Agriculture Policy: ग्रामीण भागातील शेतकऱ्यांना स्वतःच्या शेतीच्या विकासकामांसाठी लागणाऱ्या माती, मुरूम आणि गाळासारख्या गौण खनिजांवर रॉयल्टीमुक्ती देण्याचा निर्णय राज्य सरकारने घेतला आहे. तसेच शेतकऱ्यांनी स्वतःच्या वापरासाठी माती-मुरूम वाहतूक केल्यास त्यांचे ट्रॅक्टर, ट्रक किंवा बैलगाड्या अडवून दंडात्मक कारवाई करू नये. अशा प्रकरणांत विनाकारण कारवाई करणाऱ्या संबंधित अधिकाऱ्यांवरही कारवाई करण्यात येईल, अशी घोषणा महसूलमंत्री चंद्रशेखर बावनकुळे यांनी गुरुवारी (ता. २) विधिमंडळाच्या दोन्ही सभागृहांत केली..बावनकुळे यांनी यासंदर्भात निवेदन करताना सांगितले, की जलसंपदा आणि मृद् व जलसंधारण विभागांच्या अखत्यारीतील जलकुंभ, गावतळी, शेततळी, पाझर तलाव, गावनाले, महसुली नाले, बंधारे, मालगुजारी तलाव, लघुसिंचन तलाव, तसेच स्वतःच्या शेतातून गाळ, माती आणि मुरूम काढण्यास शेतकऱ्यांना परवानगी असेल. या गौण खनिजांचा वापर शेतरस्ते दुरुस्ती, खड्डे भरणे, विहीर खणणे, जनावरांचे गोठे बांधणे आणि शेतघर दुरुस्तीसाठी करता येणार आहे..Farmer Support: नुकसानग्रस्त शेतकऱ्यांसाठी १४.५८ कोटींचा निधी मंजूर.शेतकऱ्यांना शासकीय कार्यालयांच्या फेऱ्या माराव्या लागू नयेत म्हणून प्रक्रिया सुलभ करण्यात आली आहे. यासाठी संबंधित शेतकऱ्याने स्थानिक महसूल मंडळ अधिकाऱ्याकडे साधा अर्ज करायचा असून, त्या अर्जावर १५ दिवसांच्या आत निर्णय देणे संबंधित अधिकाऱ्यांना बंधनकारक असेल. जलसंपदा किंवा मृद् व जलसंधारण विभागाच्या अखत्यारीतील तलाव किंवा नाल्यांमधून गाळ काढायचा असल्यास संबंधित विभागाचे, तर महसुली नाल्यांसाठी तहसीलदारांचे ना हरकत प्रमाणपत्र (एनओसी) आवश्यक राहील..Farmer Support: शेतकरी कुटुंबांना मदतीचा ‘फास्ट ट्रॅक’ .महसूलमंत्र्यांनी स्पष्ट केले, की शेतकऱ्यांनी स्वतःच्या वापरासाठी माती किंवा मुरूम वाहतूक केल्यास त्यांच्या ट्रॅक्टर, ट्रक किंवा बैलगाड्यांवर कोणतीही दंडात्मक कारवाई केली जाणार नाही. मात्र या सवलतीचा व्यावसायिक वापर झाल्याचे आढळल्यास प्रचलित कायद्यानुसार कारवाई केली जाईल..दरम्यान, या निवेदनानंतर विरोधी पक्षनेते विजय वडेट्टीवार यांनी महसूल विभागाच्या कामकाजाचे कौतुक करत, ‘‘महसूल विभागाचे काम बुलेट ट्रेनच्या वेगाने सुरू आहे,’’ अशी मिश्कील टिप्पणी केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
