Pune News: अवकाळी पाऊस, गारपीटमुळे शेतकऱ्यांची चिंता वाढली आहे. नांदेड, नागपूर आणि वर्धा जिल्ह्यात गारपीट झाली आहे. गारपीटसह झालेल्या पावसामुळे गहू, हरभरा आणि विविध भाजीपाला पिकांचे नुकसान झाले आहे. .राज्यातील काही भागात रविवारी आणि सोमवारी पावसाने हेजरी लावली. नांदेड , नागपूर, भंडारा आणि गोंदिया जिल्ह्माध्ये विजांच्या कडकडाटासह अवकाळी पाऊस झाला. यामुळे शेतकऱ्यांचे नुसकान झाले आहे. अनेक ठिकाणी वाऱ्याचा वेग अधिक असल्याने पिकांची मोठी हानी झाली आहे..Unseasonal Rain: दोन दिवस वादळी पावसाचा अंदाज; अवकाळी पावसामुळे राज्यातील अनेक भागात पिकांचे नुकसान.दरम्यान, रविवारी रात्री लातूर येथे पावसाने हजेरी लावली होती. तर सोमवारी (ता. २३) पहाटे धाराशिव जिल्ह्यात अवकाळी पाऊस झाला. सलग दोन दिवस वातावरण ढगाळ राहिल्याने शेतकऱ्यांमध्ये भीतीचे वातावरण आहे..अवकाळी पावसाचा परिणाम मका, ज्वारी, गहू आणि हरभरा या उभ्या रब्बी पिकांवर होण्याची शक्यता आहे. सध्या गहू व हरभरा काढणीच्या टप्प्यावर असताना झालेल्या पावसामुळे उत्पादनात घट येण्याची भीती व्यक्त केली जात आहे. शेतीमाल काही ठिकाणी पूर्णपणे भिजली आहे. परिणामी शेतीमालाची गुणवत्ता घसरण्याची भीती व्यक्त केली जात आहे. ओलाव्यामुळे दाणे काळवंडणे, उगवण क्षमता घटणे, बुरशीजन्य रोगांचा प्रादुर्भाव वाढणे या समस्या येऊ शकतात. भाजीपाला पिकांचेही मोठे नुकसान झाले असून याचा परिणाम स्थानिक बाजारपेठेवर होण्याची शक्यता आहे..Unseasonal Rain: विदर्भासह मराठवाड्यात गारपीट.यंदा आंबा पिकाला चांगला मोहर आला होता. मात्र अवकाळी पावसासह आलेल्या वाऱ्यामुळे मोहर गळण्याची भीती फळबागधारक शेतकरी व्यक्त करीत आहेत. आंबा उत्पादनावर परिणाम झाल्यास आर्थिक फटका बसण्याची शक्यता आहे. आधीच वाढत्या उत्पादन खर्चामुळे अडचणीत सापडलेल्या शेतकऱ्यांवर या नैसर्गिक संकटामुळे दुहेरी आघात झाला आहे..पंचनाम्याची व नुकसानभरपाईची मागणीदरम्यान, नुकसानग्रस्त भागात कृषी विभागाचे अधिकारी अद्यापही प्रत्यक्ष पाहणीसाठी पोहोचले नसल्याने शेतकऱ्यांमध्ये नाराजी आहे. तातडीने पंचनामे करून नुकसानभरपाई जाहीर करावी, तसेच पीकविमा योजनेंतर्गत मदत मिळावी, अशी मागणी शेतकरी वर्गातून होत आहे. प्रशासनाने त्वरित हालचाल करून शेतकऱ्यांना दिलासा द्यावा, अशी अपेक्षा व्यक्त होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
