Agricultural Support: संभाव्य चारा टंचाईवर मात करण्यासाठी पुणे जिल्ह्यात २५ हजार एकर क्षेत्रावर चारा लागवडीचे नियोजन करण्यात आले आहे. त्यासाठी मका आणि कडवळ या चारा पिकांच्या बियाण्यांचे वितरण सुरू असून, आतापर्यंत प्राप्त झालेल्या २२० टन बियाण्यांपैकी ८० टक्के बियाण्यांचे वाटप पूर्ण झाले आहे. उर्वरित बियाणे पुढील आठवडाभरात उपलब्ध होणार असून, त्यानंतर पशुपालक शेतकऱ्यांना त्यांचे वितरण केले जाणार आहे..चारा लागवडीसाठी महाबीज आणि राष्ट्रीय बियाणे महामंडळाकडून मका व कडवळ या पिकांचे बियाणे उपलब्ध करून देण्यात आले आहे. तालुका पशुसंवर्धन अधिकाऱ्यांच्या नियंत्रणाखालील पशुवैद्यकीय दवाखान्यांमार्फत नोंदणीकृत पशुपालकांना बियाण्यांचे वाटप केले जात आहे..Seed Production: बीजोत्पादन कौशल्यातून उभारला दोन भावंडांचा संसार.उर्वरित बियाणे प्राप्त झाल्यानंतर त्याचेही तातडीने वितरण करण्याचे नियोजन पशुसंवर्धन विभागाने केले आहे. केवळ चारा लागवडीपुरते मर्यादित न राहता उपलब्ध चाऱ्याचे योग्य व्यवस्थापन आणि साठवणूक करण्यावरही प्रशासनाने भर दिला आहे..Seed Minikits : शेतकऱ्यांसाठी मोठी बातमी! परभणी आणि हिंगोलीत १६ हजार बियाणे मिनीकिट्सचे वाटप.यासाठी लोकप्रतिनिधींच्या सहभागातून चारा साक्षरता प्रशिक्षण अभियान राबविण्यात येत आहे. या अभियानांतर्गत कार्यशाळा घेऊन पशुपालकांना चारा नियोजन, मुरघास निर्मिती आणि भविष्यातील टंचाई लक्षात घेऊन चारा साठवणुकीच्या शास्त्रीय पद्धतींबाबत मार्गदर्शन केले जात आहे..कार्यशाळांमध्ये पर्यायी चारा स्रोत म्हणून अझोला उत्पादनाची प्रात्यक्षिके दाखविण्यात येत आहेत. तसेच वाढलेल्या चाऱ्यावर युरिया प्रक्रिया करून त्याची पौष्टिकता वाढविण्याचे तंत्रही शिकविले जात आहे. स्थानिक पशुवैद्यकीय अधिकाऱ्यांमार्फत पशुपालकांना नियमित मार्गदर्शन केले जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
