Washim News : राज्यात अतिवृष्टीमुळे शेतकऱ्यांची पिके पूर्णपणे वाहून गेली आहेत. जमिनी खरडून गेल्या. पश्चिम विदर्भातील शेतकऱ्यांना राज्य शासनाने हेक्टरी ५० हजार तसेच खरडून गेलेल्या जमिनीचे १ लाख ५ हजार रुपये अशी नुकसानभरपाई द्यावी, अशी मागणी महाराष्ट्र प्रदेश काँग्रेस कमिटीचे माजी प्रदेशाध्यक्ष तथा काँग्रेसचे पश्चिम विदर्भ अध्यक्ष माणिकराव ठाकरे यांनी केली. ते आयोजित पत्रकार परिषदेत बोलत होते..या वेळी श्री. ठाकरे म्हणाले, की गेल्या १५ ते २० वर्षांपेक्षा मोठा ओला दुष्काळ महाराष्ट्रात पडला आहे. शासन शेतकऱ्यांना तुटपुंजी मदत करण्याचा पुळका आणत आहे. सरकारकडून घोषणा करण्यात आलेली मदत अत्यंत कमी असल्याने शेतकरी ती मदत घेण्याबाबत नाराज आहे. त्यामुळे राज्य शासनाने दुष्काळग्रस्त शेतकऱ्यांना सरसकट मदत करावी. .कारण शासनाच्या आर्थिक मदतीकडे शेतकऱ्यांची आस लागून आहे. वाशीम, अकोला, बुलडाणा, यवतमाळ, अमरावती या सर्व जिल्ह्यांचा दुष्काळग्रस्त भागाचा दौरा आपण केला असून, सगळीकडे शेतकऱ्यांच्या शेत पिकांचे प्रचंड नुकसान झालेले दिसून आले. तसेच जमिनी देखील खरडून गेल्या आहेत..Crop Damage Compensation : भरपाईमधून चंद्रपूर जिल्ह्याला वगळले .त्यामुळे आतापर्यंत शेतकऱ्यांनी केलेले कष्ट वाया गेले. शेतकरी हतबल असताना मुख्यमंत्री आणि दोन्ही उपमुख्यमंत्री दिल्लीला जाऊन केंद्राकडे मदतीची याचना करीत आल्याचे सांगत आहेत. शेतकऱ्यांच्या दुष्काळाचा प्रश्न हा निवेदनातून सुटणार नाही तर त्यांना ठोस अशी आर्थिक मदत करणे गरजेचे आहे. .Crop Damage Compensation : अतिवृष्टिबाधितांना चौपट दराने मदत द्या.एकीकडे राज्यावर १० लाख कोटींचे कर्ज आहे. हे कर्ज देखील शासनाला फेडता येणे अशक्य आहे. शासन सध्या हेक्टरी ८५०० हजार रुपये शेतकऱ्यांना देणार आहे. खरे पाहता ही मदत अत्यंत तुटपुंजी आहे. त्यामुळे हेक्टरी ५० हजार तसेच खरडून गेलेल्या जमिनीचे १ लाख ते ५ लाख मदत करावी, अशी काँग्रेस पक्षाची मागणी आहे..शासनाने याबाबत त्वरित पाऊले उचलली नाही, तर काँग्रेस पक्ष शेतकऱ्यांच्या प्रश्नासाठी रस्त्यावर येऊन आंदोलन करेल, असा इशारा ठाकरे यांनी दिला. या वेळी काँग्रेस पक्षाचे जिल्हाध्यक्ष आमदार अमित झनक, निरीक्षक श्याम उमाळकर, अॅड. दिलीपराव सरनाईक, किसनराव मस्के, अशोकराव बोबडे यांच्यासह बहुसंख्य काँग्रेस कार्यकर्त्यांची उपस्थिती होती..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
