Crop Loss Inspection: तीन केंद्रीय पथकाद्वारे राज्यातील दुष्काळग्रस्त भागाची पाहणी सुरु आहे. मराठवाड्यातील दुष्काळी परिस्थितीच्या पाहणीसाठी आलेल्या केंद्रीय पथकाने आज (दि. ९ ऑक्टोबर) छत्रपती संभाजीनगर जिल्ह्यातील देमनी शिवारात पाहणी केली. देमनीतील शेतकरी विलास देविदास शिंदे यांच्या शेतातील सोयाबीन पाण्याअभावी करपून गेले आहे. त्याची पाहणी पथकाने करुन शेतकऱ्यांशी संवाद साधला आणि परिस्थिती जाणून घेतली. .केंद्रीय पथकाने बीड जिल्ह्यातील गेवराई आणि बीड तालुक्यांतील विविध गावांना भेटी देऊन पिकांच्या नुकसानीचा आणि पाणीटंचाईचा आढावा घेतला. कृषी व शेतकरी कल्याण विभागाचे संयुक्त सचिव तथा मुख्य कार्यकारी अधिकारी मुक्तानंद अग्रवाल यांच्या नेतृत्वाखालील केंद्रीय पथक दुष्काळी परिस्थितीची पाहणी करत आहे. या पथकाने शेतशिवारात जाऊन पिकांची स्थिती, जलस्रोतांची उपलब्धता आणि दुष्काळाचे परिणाम जाणून घेतले. पावसाच्या दीर्घ खंडामुळे शेतकऱ्यांनी पिकांसाठी केलेला खर्च आणि मेहनत वाया जाण्याची परिस्थिती या दौऱ्यात समोर आली..केंद्रीय पथकाने आज अमरावती विभागातील पाचही जिल्ह्यांतील दुष्काळी परिस्थिती आणि पिकांच्या नुकसानीचा बैठकीद्वारे आढावा घेतला. त्यानंतर पथकाने वाशिम जिल्ह्यातील दुष्काळग्रस्त भागाची प्रत्यक्ष पाहणी केली. पाचही जिल्ह्यातील पावसाची स्थिती, शेतीपिकांचे नुकसान, जनावरांच्या चाऱ्याची सद्यस्थिती तसेच आगामी सात महिन्यांसाठीच्या संभाव्य परिस्थितीची माहितीही यावेळी पथकाने घेतली..Maharashtra Drought: २६५ दुष्काळी तालुक्यांत अन्नधान्याचा विनाविलंब पुरवठा होणार, सरकारचा महत्त्वाचा निर्णय.सोलापूर जिल्ह्यातील ६० टक्के पीक नुकसानीचे पंचनामे पुर्णराज्याचे कृषिमंत्री दत्तात्रय भरणे यांनीही आज सोलापूर जिल्ह्यातील सांगोला तालुक्यातील मौजे बुरलेवाडी येथे केंद्रीय पथकातील अधिकाऱ्यांसोबत शेतकऱ्यांच्या बांधावर जाऊन खरीप पिकांच्या सद्यस्थितीची पाहणी केली. सोलापूर जिल्ह्यातील ६० टक्क्यांहून अधिक पीक नुकसानीचे पंचनामे पुर्ण झाले आहेत. पुढील दोन- तीन दिवसांमध्ये शंभर टक्के पंचनाम्यांचे काम पुर्ण केले जाईल, अशी माहिती कृषिमंत्र्यांनी दिली..Maharashtra Drought GR: आणखी १८ तालुक्यांत पिकांच्या पंचनाम्याचे आदेश.राज्यातील शेतकऱ्यांना दिलासा मिळावा. त्यांच्या नुकसानीची वस्तुस्थिती केंद्र सरकारपर्यंत पोहोचावी आणि आवश्यक मदत मिळावी, यासाठी शासन स्तरावर गांभीर्याने प्रयत्न सुरू असल्याचे त्यांनी म्हटले आहे. पश्चिम महाराष्ट्रातील सोलापूर व अहिल्यानगर, विदर्भातील वाशिम व यवतमाळ, तसेच मराठवाड्यातील छत्रपती संभाजीनगर, जालना व बीड या जिल्ह्यांमध्ये केंद्रीय पथकातील अधिकारी प्रत्यक्ष पाहणी करत आहेत. या पाहणीदरम्यान पीक परिस्थिती, नुकसानीची तीव्रता आणि शेतकऱ्यांच्या अडचणींची वस्तुनिष्ठ माहिती संकलित केली जात असल्याचे भरणे यांनी सांगितले. .या पाहणीचा सविस्तर अहवाल तातडीने केंद्र सरकारकडे सादर करून राज्यातील बाधित शेतकऱ्यांसाठी आवश्यक केंद्रीय मदत मिळवून देण्याचा आमचा प्रयत्न असल्याचे त्यांनी नमूद केले. केंद्राचे एक पथक पश्चिम महाराष्ट्रातील अहिल्यानगर, सोलापूर, पुणे, दुसरे पथक छत्रपती संभाजीनगर, जालना, बीड आणि तिसरे पथक विदर्भातील नागपूर, यवतमाळ आणि लगतच्या टंचाईग्रस्त भागात पाहणी करत आहे. .दुष्काळी परिस्थितीचे केंद्रीय पथकासमोर सादरीकरणदुष्काळी परिस्थितीचे राज्य सरकारकडून केंद्रीय पथकासमोर सादरीकरण करण्यात आले आहे. पावसाच्या कमतरतेमुळे निर्माण झालेली पाणीटंचाई, टँकर्सची संभाव्य गरज, शेतीवर अवलंबून असलेले शेतमजूर व जमीनधारकांचे प्रश्न, मजुरांची स्थलांतराची शक्यता, शेतकऱ्यांनी जीवन संपवणे आदी बाबींकडे केंद्रीय पथकाचे लक्ष वेधून घेण्यात आले आहे..एल निनोमुळे हवामान आणि पावसावर झालेला परिणाम, शेतपिकांचे नुकसान, जिल्हानिहाय परिस्थितीची तांत्रिक माहिती पथकाला देण्यात आली आहे. जनावरांच्या चाऱ्याची सद्यस्थिती, आगामी सात महिन्यांसाठीच्या उपायोजनांचे सादरीकरण करण्यात आल्याचे राज्य सरकारकडून सांगण्यात आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
