Nagpur News: राष्ट्रीय जैवविविधता प्राधिकरण आणि महाराष्ट्र जैवविविधता नियमानुसार लाभवाटप यंत्रणेअंतर्गत महाराष्ट्र राज्य जैवविविधता मंडळाने राज्यातील तीन जैवसंपदा व्यवस्थापन समित्यांना १.५८ कोटींचा निधी वितरित केला आहे. दापूर (ता. सिन्नर, जि. नाशिक), साखरवाडी (ता. फलटण, जि. सातारा) आणि कुंजीरवाडी (ता. हवेली, जि. पुणे) येथील समित्यांना हा निधी देण्यात आला. .दापूर समितीस ६७ लाख, तर साखरवाडी आणि कुंजीरवाडी समित्यांना प्रत्येकी ४५.५ लाख इतका निधी वितरित करण्यात आला. जैवविविधता अधिनियम २००२ च्या कलम ४४ नुसार हा निधी देण्यात आला. जैवसंपदा व पारंपरिक ज्ञानाच्या व्यापारी वापरातून मिळणाऱ्या लाभांचे न्याय्य वाटप ही यामागची भूमिका आहे..Maharashtra Biodiversity: जैवसंपदा समित्यांना १.५८ कोटींचा निधी.दापूर समितीस मिळालेला निधी त्या कंपनीकडून प्राप्त झाला ज्यांनी मातीतील बॅसिलस कोअग्युलन्स (जीवाणू) आणि सॅकॅरोमायसिस बूलार्डी या सुक्ष्मजीव प्रजातींचा वापर करून २७ प्रकारची प्रोबायोटिक पूरक उत्पादने विकसित केली. तर साखरवाडी आणि कुंजिरवाडी समित्यांना लाभ त्या कंपनीकडून मिळाला..ज्यांनी माती व औद्योगिक सांडपाण्यातील सूक्ष्मजीवांच्या आधारे फ्रुक्टो-ओलिगोसेकेराइड्स उत्पादने विकसित केली. हा उपक्रम जैवविविधता संवर्धनाबरोबरच ग्रामविकासासाठीही महत्त्वाचा ठरणार आहे, असे सांगून दापूर समिती अध्यक्ष वनिता बालू आव्हाड यांनी निधीबद्दल आभार मानले..Maharashtra Biodiversity: जैवसमृद्ध महाराष्ट्र: पशुधनात प्रत्येक भूप्रदेशाची वेगळी खासियत.ही योजना राष्ट्रीय जैवविविधता धोरण व कृती आराखडा २०२४-३० आणि संयुक्त राष्ट्रांच्या कुनमिंग–मॉन्ट्रियल जागतिक जैवविविधता आराखड्याशी सुसंगत असून, स्थानिक समुदायांना जैवसंपदा संरक्षणातून थेट आर्थिक लाभ देणारी ठरत आहे. .या उपक्रमासाठी होणार निधीचा वापर जैवसंपदेचे संवर्धन आणि शाश्वत उपयोग स्थानिक जैवविविधता व पारंपरिक ज्ञानाचे संरक्षण व दस्तावेज बनविणेग्रामस्थांच्या सहभागातून जैवविविधता व्यवस्थापन उपक्रम .एबीएस निधीचे वितरण हे स्थानिक संस्थांना जैवसंपदा व्यवस्थापनात अधिक सक्षम करण्याकडे महत्त्वाचा टप्पा आहे. यामुळे गाव पातळीवर संवर्धनाच्या उपक्रमांना गती मिळेल. - डॉ. भारतसिंह हाडा, सदस्य सचिव, महाराष्ट्र राज्य जैवविविधता मंडळ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
