Soil Health: शेतकऱ्यांनी रासायनिक खताएवजी जैविक व सेंद्रीय खताचा वापर करावा यासाठी महाबीजकडून जनजागृती केली जात आहे. त्याचा परिणाम म्हणून ट्रायकोड्रामा, आदी खतांचा जिल्ह्यातील तीनशेपेक्षा अधिक कर्मचारी वापर करत आहेत. ही जैविक खते महाबीजकडून बाजार दरापेक्षा कमी दराने उपलब्ध करून दिली जात, असल्याची माहिती महाबीजचे जिल्हा समन्वयक सुनील दौंड यांनी दिली..रासायनिक खताच्या वापरामुळे जमिनीची पोत कमी होत चालल्याने शेतकऱ्यांनी रासायनिक खताचा वापर टाळत रासायण अवशेषमुक्त शेती करावी, सेंद्रीय, जैविक खताच्या वापर करावा यासाठी सरकारी पातळीवरच प्रयत्न सुरु आहेत. महाबीज (महाराष्ट्र राज्य बियाणे महामंडळ) कडून बियाणे पुरवठा करतानाच सेंद्रीय शेतीचा प्रचार आणि शेतकऱ्यांनी जैविक खताचा वापर करावा यासाठी सहा वर्षापासून प्रयत्न सुरु असून त्याबाबत जनजागृती केली जात आहे. .Organic Fertilizer : भरडधान्याच्या उत्पादकतेत जैविक निविष्ठांचे मोठे योगदान ः तायडे.महाबीजकडून जैविक खताचे उत्पादन घेतले जात असून शेतकऱ्यांना बुरशीनाशक ट्रायकोड्रामा केवळ १३३ रुपये प्रती किलो, पीएसबी (पोटॅश सोल्युबल बॅक्टेरिया), अझोटा बॅक्टर, केएमबी (फाॅस्फरस) केवळ १८० रुपये लिटर प्रमाणे उपलब्ध करून दिले आहे. ही जैविक खते बाजारात दुपटीच्या दराने आहेत. शेतकऱ्यांसाठी महाबीजकडून अल्प दरात उपलब्ध करून दिली जात आहेत..Organic Fertilizer : जैविक खतांचा वापरासाठी जाणीवजागृती करा .अहिल्यानगर जिल्ह्यात अलीकडच्या काळात ऊस, कांदा, भाजीपाला, फळबागांना शेकडो शेतकरी या जैविक खताचा वापर करत असल्याचे सांगण्यात आले. या जैविक खताच्या वापराबाबत महाबीजकडून शेतकऱ्यांना मार्गदर्शन केले जात आहे. गेल्या काही वर्षापासून ट्रायकोड्रामा पीएसबी (पोटॅश सोल्युबल बॅक्टेरिया), अझोटा बॅक्टर, केएमबी (फाॅस्फरस) वापर करणाऱ्या शेतकऱ्यांच्या उत्पादनात ३० टक्क्यापेक्षा अधिक वाढ झाली आणि टिकवणक्षमताही वाढत आहे. शेतकऱ्यांनी जैविक खताचा वापर करावा असे आवाहन सुनील दौंड यांनी केले आहे..ऊसासाठी रासायनिक खताचा वापर न करता महाबीजकडून देण्यात येणाऱ्या जैविक खताचा ऊसासाठी वापर केला. त्याचा पिकांना चांगला फायदा झाला. ऊसाची उंची, वाढ चांगली झाली. जमीनीत जीवाणू वाढले आहे. उत्पादनातही वाढ झाली आहे.रावसाहेब काळे, शेतकरी लांडेवाडी, ता. नेवासा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
