Kolhapur Congress : कोल्हापूर उत्तरमधून मधुरिमाराजे यांची माघार, राजेश लाटकर काँग्रेसचे उमेदवार?

Kolhapur Uttar Vidhansabha : कोल्हापूर उत्तर विधानसभा मतदारसंघ महाविकास आणि महायुतीच्या उमेदवारी निश्चितीवरून मागच्या काही दिवसांपासून चर्चेत आहे. दरम्यान पुन्हा आता कोल्हापूर उत्तर मतदारसंघातील नव्या ट्वीस्टने चर्चा रंगली आहे. सोमवार (ता. ०४) सकाळपासून काँग्रेसचे बंडखोर राजेश लाटकर उमेदवारी अर्ज माघार घेणार की नाही अशी चर्चा होती. उमेदवारी अर्ज माघारीसाठी अवघ्या काही मिनिटांचा कालावधी बाकी असताना काँग्रेसच्या अधिकृत उमेदवार मधुरिमाराजे यांनीच कोल्हापूर उत्तरच्या निवडणुकीतून माघार घेतली आहे. यामुळे पुन्हा काँग्रेसच्या उमेदवारीवरून जोरदार चर्चा रंगली आहे.

दरम्यान यावर खासदार शाहू छत्रपती यांनी माध्यमांशी संवाद साधला यावर ते म्हणाले, नाईलाजाने मधुरिमाराजेंना माघार घ्यावी लागली, राजेश लाटकर यांनी माघार घेतली नाही, ते चांगले कार्यकर्ते आहेत, त्यामुळे आम्ही ठरवलं की अशा परिस्थितीत निवडणूक लढायचं नाही, अशी प्रतिक्रिया खासदार शाहू महाराज यांनी दिली.