Maharashtra Dams : परभणी ब्रह्मवाकडी (ता. सेलू) येथील निम्न दुधना प्रकल्पातील पाणीसाठ्यात बाष्पीभवनाचा वेग आणि पाण्याचा उपसा यामुळे घट सुरू आहे. रविवारी (ता. ४) सकाळी या धरणाच्या जलाशयात ४७.३८५ दलघमीनुसार १९.५६ टक्के पाणीसाठा शिल्लक होता. २०२५ मध्ये ४ ऑक्टोबरला १८१.७८० दलघमीनुसार ७५.०५ टक्के पाणीसाठा होता. त्या तुलनेत यंदा १३४.३९५ दलघमी कमी पाणीसाठा आहे..मोसमी पाऊस परतला आहे. त्यामुळे आता हे धरण भरण्याची शक्यता नाही. कालव्याद्वारे सिंचनाची आवर्तने मिळणार नाहीत. त्यामुळे पाणीपुरवठ्याचा प्रश्न गंभीर होण्याची शक्यता आहे..Maharashtra Drought: १९ जिल्ह्यांत दुष्काळ, 'शक्तिपीठ' विषय बाजूला ठेवून शेतकऱ्यांकडे लक्ष द्या- विजय वडेट्टीवार .निम्न दुधना प्रकल्पाची प्रकल्पीय जलसाठा क्षमता ३४४.८०० दलघमी असून, जिवंत साठा क्षमता २४२.५०० दलघमी आहे. यंदा १ जूनपासून आजपर्यंत धरणक्षेत्रात २७३ मिलिमीटर पाऊस झाला आहे. .Maharashtra Rain Update: राज्यात कोणत्या भागात पावसाची शक्यता?.गतवर्षी याच तारखेपर्यंत ८८७ मिलिमीटर पाऊस झाला होता. यंदा १ जूनपासून १५.८८३ दलघमी पाण्याची आवक झाली आहे..प्रकल्प अहवालानुसार बाष्पीभवन व इतर व्यय प्रतिदिन ३.६९ एमएमक्युबनुसार ०.२० दलघमी आहे. बिगर सिंचनासाठी ०.०३१० दलघमी पाणीवापर झाला आहे. .मागील २० दिवसांत या धरणातील पाणीसाठ्यात ६.०२ दलघमीने घट झाली आहे. उन्हाचा चटका वाढला असून, बाष्पीभवनाचा वेग वाढल्यामुळे धरणातील पाणीसाठ्यात सातत्याने घट सुरू आहे.
