Agri Policy: राज्यातील पशुपालक शेतकऱ्यांसाठी सरकारने महत्त्वाचा निर्णय घेत विद्यमान १८ राज्यस्तरीय आणि १४ जिल्हास्तरीय योजनांमधून प्रत्येकी दोन योजना सुरू ठेवण्यास मान्यता दिली आहे. या योजना आता ‘थेट लाभ हस्तांतरण’ (डीबीटी) तत्त्वावर राबवल्या जाणार असून, अनुदान थेट लाभार्थींच्या खात्यांत जमा होणार आहे..कोकण विभागीय आयुक्तांच्या शिफारशीनुसार सर्व योजना एकत्रित करून सुलभ करण्याचा निर्णय घेण्यात आला आहे. त्यानुसार ११ योजना बंद करण्यात येणार असून, उर्वरित योजना सुधारित स्वरूपात राबवल्या जातील. नव्या रचनेत दुधाळ जनावरे, शेळी-मेंढी पालन, अंडी देणाऱ्या व मांसल कोंबड्यांचे पालन, अंडी उबवणी केंद्र उभारणी तसेच वैरण विकास यांसारख्या योजनांचा समावेश आहे. दुधाळ जनावरे योजनेंतर्गत पाच गायी किंवा म्हशी (तीन वर्षांच्या विम्यासह) खरेदी, शेड उभारणी आणि आवश्यक साधनसामग्रीसाठी प्रकल्प मंजूर करण्यात आला आहे..Livestock Development Schemes: ‘पशुसंवर्धन’च्या योजना काही महिन्यांपासून ठप्प.प्रति जनावर एक लाख रुपये, शेडसाठी तीन लाख रुपये आणि उपकरणांसाठी २.७५ लाख रुपये असा एकूण प्रकल्प खर्च निश्चित करण्यात आला आहे. या योजनेचा लाभ घेण्यासाठी लाभार्थीकडे किमान एक एकर स्वतःची किंवा पाच वर्षे भाडेपट्ट्याने घेतलेली जमीन असणे आवश्यक आहे.अनुदानाच्या बाबतीत सर्वसाधारण प्रवर्गासाठी ५० टक्के तर अनुसूचित जाती- जमातींसाठी ७५ टक्के अनुदान देण्यात येणार आहे..प्रमुख योजना...दुधाळ जनावरे खरेदी (गाय/म्हैस)शेळी व मेंढीपालनअंडी देणाऱ्या कोंबड्या व ब्रॉयलर पालनअंडी उबवणी केंद्र (हॅचरी)वैरण विकास व चारा व्यवस्थापन.Livestock Entrepreneurship Scheme: पशुधन उद्योजकता योजनेत आता वराहपालनचा समावेश.प्रकल्प खर्च व अनुदान (रुपयांत)प्रति गाय/म्हैस : एक लाखशेड उभारणी : तीन लाखउपकरणे व साहित्य : दोन लाख ७५ हजारएकूण प्रकल्प खर्च : ६.७५ लाख (अंदाजे).अटी अन् पात्रताराज्यातील सर्व प्रवर्गातील अल्पभूधारक, अत्यल्प भूधारक व महिला बचत गट किमान एक एकर स्वतःची किंवा पाच वर्षे भाडेपट्ट्याची जमीन जनावरांना तीन वर्षांचा विमा बंधनकारक प्रशिक्षण प्रमाणपत्र किंवा दोन-चार वर्षांचा अनुभव डीबीटीद्वारे थेट खात्यात अनुदान.आवश्यक कागदपत्रे...सातबारा उतारा, आधार कार्ड, बँक पासबुकप्रशिक्षण प्रमाणपत्र-अनुभव पत्रदिव्यांगांसाठी यूडीआयडी प्रमाणपत्र.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
