![Agrani River](http://media.assettype.com/agrowon%2F2024-04%2F3141155d-3fc0-4c37-b4f6-40fbbef9ceb3%2FRoshan_News_Story__14_.jpg?w=480&auto=format%2Ccompress&fit=max)
Sangli News : कवठेमहांकाळ तालुक्यात सध्या म्हैसाळ व टेंभू सिंचन योजनेचे पाणी दाखल झाल्याने कालवा दुथडी भरून वाहत आहे. या पार्श्वभूमीवर कवठेमहांकाळ तालुक्याची जीवनवाहिनी अग्रणी नदी मात्र कोरडी पडली आहे. त्यामुळे कवठेमहांकाळ तालुक्यातील अग्रणी नदीकाठचे शेतकरी संतप्त झाले आहेत.
घाटमाथ्यावर टेंभू सिंचन योजना वाहत असूनही घाटमाथ्यावरील गावे कोरडी आहेत. कवठेमहांकाळ तालुक्यात म्हैसाळ व टेंभू योजना सुरू असून तालुक्यातील काही गावांना लाभ होत नाही. त्यामुळे नदीकाठचे तहानलेले शेतकरी अग्रणी नदीत आंदोलन करत आहेत. नदी खोऱ्याच्या पट्ट्यात मळणगाव, शिरढोण, मोरगाव, विठूरायाची वाडी, हिंगणगाव, अग्रण धुळगाव, लोणारवाडी ही गावे आहेत.
या गावांतून वाहणारी अग्रणी नदी कित्येक दिवसांपासून कोरडी असल्याने संबंधित गावांचा पाणीप्रश्न गंभीर आहे. त्यामुळे शेतीला पाणी मिळत नाही. म्हैसाळ व टेंभू या योजना ‘असून अडचन नसून खोळंबा’ ठरल्या आहेत. नदी बारमाही वाहिल्यास तालुक्यातील पाण्यापासून वंचित गावे दुष्काळमुक्त होतील.
याशिवाय, हजारो हेक्टर शेती ओलिताखाली येईल आणि पिण्यासह शेती-जनावरांच्या पिण्याच्या पाण्याचा प्रश्न कायमचाच मिटणार आहे. अग्रणी नदी सतत प्रवाहित झाल्यास शेतकरी पारंपरिक शेतीव्यवसायात बदल करून तो फळशेती, फूलशेतीसह भाजीपाल्याचा व्यवसाय देखील ‘हायटेक’ करेल. त्यातून आर्थिक स्थैर्य प्राप्त होईल.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.