Pune News : पारगाव व नागरगाव या दोन गावांच्या सीमेवर असलेल्या भीमा नदीवरील पारगाव (ता. दौंड) येथील कोल्हापूर पद्धतीच्या बंधाऱ्यातून मोठ्या प्रमाणात पाणी गळती होत आहे. .त्यामुळे उन्हाळ्यात पाणीटंचाई निर्माण होण्याची भीती शेतकऱ्यांमधून व्यक्त केली जात आहे.शिरूर व दौंड तालुक्यातील शेतीसाठी अत्यंत महत्त्वाचा मानला जाणारा हा बंधारा सध्या पाणी गळतीमुळे चर्चेत आला आहे. या बंधाऱ्यावर परिसरातील अनेक गावांची शेती अवलंबून आहे..Irrigation Water Demand: मीना कालव्यात त्वरित पाणी सोडण्याची शेतकऱ्यांची मागणी.जून महिन्यात झालेल्या मुसळधार पावसामुळे बंधाऱ्यावरील काही लोखंडी ढापे पुराच्या पाण्यात वाहून गेले, तर काही ढाप्यांची मोडतोड होऊन ते नादुरुस्त झाले होते. गेल्या आठवड्यात पाटबंधारे विभागाने बंधाऱ्यावर ढापे बसविण्याचे काम हाती घेतले होते. मात्र, मोडतोड झालेले व नादुरुस्त ढापेच बसविल्याने बंधाऱ्यातून मोठ्या प्रमाणात पाणी गळती सुरू झाली आहे..सध्या ऊस, गहू, भाजीपाला आदी रब्बी पिके अंतिम टप्प्यात असून, या पिकांना मोठ्या प्रमाणात पाण्याची गरज आहे. त्यामुळे ढाप्यांची वेळेत दुरुस्ती करावी, असा आग्रह शेतकऱ्यांकडून होत आहे..Water Crisis: कालव्यावरील अपूर्ण कामामुळे जलसंकट.नव्या ढाप्यांची मागणीमांडवगण फराटा येथील बंधाऱ्यासाठी शिरूर- हवेलीचे आमदार माउली कटके यांनी उपमुख्यमंत्री तथा पालकमंत्री अजित पवार यांच्याकडे पाठपुरावा केला होता. त्यानुसार त्या बंधाऱ्यासाठी १,०५० नवीन ढापे उपलब्ध करून देण्यात आले. त्याच धर्तीवर नागरगाव- पारगाव येथील बंधाऱ्यासाठीही नवीन ढापे उपलब्ध करून द्यावेत, अशी मागणी स्थानिक शेतकऱ्यांनी केली आहे..या बंधाऱ्यावर शेकडो उपसा सिंचन योजना कार्यान्वित आहेत. सध्या सुरू असलेली पाणी गळती कायम राहिल्यास शेतीच्या पाण्याचा प्रश्न गंभीर होईल. उन्हाळ्यापूर्वी तातडीने दुरुस्ती करणे अत्यावश्यक आहे. प्रवीण रणदिवे, उपसरपंच, रांजणगाव सांडस.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
