Maharashtra Farmers Affected by Rainfall Deficit: पावसाने खंड दिल्यामुळे दुष्काळाच्या छायेत कासावीस झालेल्या लातूर जिल्ह्यातील जाऊ (ता. निलंगा) येथील शेतकऱ्याच्या अश्रूंचा बांध बुधवारी (ता. २३) मुख्यमंत्री देवेंद्र फडणवीस यांना पाहताच फुटला. ‘‘साहेब, एकरी २५ ते ३० हजार रुपये खर्च केला, पण नुकसान झालं,’’ अशी व्यथा मांडताना शेतकरी नूरबाबा मिया पटेल धाय मोकलून रडले. या वेळी मुख्यमंत्री फडणवीस यांनी पटेल यांना धीर दिला. या प्रसंगामुळे उपस्थित सर्वांचेच डोळे पाणावले. पिकांचे सरसकट नुकसान झाल्यामुळे भरपाईही सरसकटच देणार असल्याची ग्वाही मुख्यमंत्र्यांनी या वेळी दिली..मुख्यमंत्री फडणवीस यांनी बुधवारी (ता. २३) लातूर, धाराशिव, सोलापूर जिल्ह्यांत दुष्काळी दौरा केला. या प्रसंगी शेतकऱ्यांनी त्यांच्या व्यथा मुख्यमंत्र्यांसमोर मांडल्या. या वेळी सहकारमंत्री बाबासाहेब पाटील, पालकमंत्री शिवेंद्रराजे भोसले, आमदार संभाजी पाटील निलंगेकर, आमदार संजय बनसोडे, आमदार बसवराज पाटील, आमदार अभिमन्यू पवार, खासदार ओमराजे निंबाळकर यांच्यासह शेतकरी, पदाधिकारी उपस्थित होते. या भेटीत मुख्यमंत्र्यांनी पटेल यांच्या विहिरीची, तर अक्षयकुमार हिरास यांच्या वाळून गेलेल्या सोयाबीन पिकाची पाहणी केली..Marathwada Drought: सोयाबीनसह खरीप पिके करपली, नेते शेतीच्या बांधावर, सरकार दुष्काळ कधी जाहीर करणार?.दोन दिवसांत दुष्काळाचा ‘जीआर’येत्या दोन दिवसांत दुष्काळाचा शासन निर्णय काढण्यात येईल. शेतकऱ्यांना सरसकट आणि तातडीने मदत केली जाईल. रब्बी हंगाम, पिण्याचे पाणी, जनावरांचा चारा आणि अन्नधान्यासाठी सरकार आवश्यक ती मदत करेल, असा शब्द मुख्यमंत्री देवेंद्र फडणवीस यांनी खरोसा (ता. औसा) येथे शेतकऱ्यांना दिला. ‘या संकटात तुम्ही एकटे नाही; सरकार तुमच्या पाठीशी आहे,’ अशी ग्वाहीही त्यांनी दिली. कर्जमाफीचे काम सुरू असून, पात्र शेतकऱ्यांना संपूर्ण रक्कम दिली जाईल. पंचनामे ही कायदेशीर प्रक्रिया असली, तरी मदत देताना सरकार मागे हटणार नाही. खरोसा, किल्लारी आणि पाचखेडी पाणीपुरवठा योजनेचे संपूर्ण बिल सरकार भरेल, असेही त्यांनी सांगितले..संकटाचा सामना एकजुटीने करूयाराज्यातील अनेक जिल्ह्यांत यंदा पावसाची मोठी तूट आहे. मराठवाड्यात पिकांचे मोठे नुकसान झाले असून, लातूर जिल्ह्यात केवळ ५० टक्के पाऊस झाला आहे. नदी-नाले आणि विहिरी कोरड्या पडल्या आहेत. पुढील काही महिने आव्हानात्मक आहेत. त्यामुळे शेतकऱ्यांनी धीर न सोडता या संकटाचा एकजुटीने सामना करावा, असे आवाहन फडणवीस यांनी केले..Maharashtra Drought: महाराष्ट्रात दुष्काळ; शेतकऱ्यांना सरसकट हेक्टरी ५० हजारांची मदत द्या- हर्षवर्धन सपकाळ.पंचनाम्याचे बंधन बाजूला ठेवणारलातूर, धाराशिव जिल्ह्यांच्या काही भागांत दहा ते बारा टक्के पाऊस झाला आहे. पिकांची परिस्थिती वाईट आहे. सोयाबीनचे मोठे नुकसान झाले असून, उसाची वाढ खुंटली आहे. कायद्यानुसार पंचनामे करावे लागतात; मात्र नुकसान सरसकट असल्याने मदतही सरसकट देण्याचा प्रयत्न केला जाईल. पिण्यासाठी पाणी राखून ठेवले जाईल, असेही करजखेडा (ता. धाराशिव) येथे मुख्यमंत्री फडणवीस यांनी त्यांनी स्पष्ट केले..औशात शेतकरी नाराज, मलकापूरमध्ये रोखलेमुख्यमंत्र्यांच्या दुष्काळ दौऱ्याच्या पार्श्वभूमीवर काही ठिकाणी शेतकरी आक्रमक झाले. औशात भेट न झाल्याने शेतकऱ्यांनी लातूर-तुळजापूर रस्त्यावर रास्ता रोको केला. मलकापूर (ता. कळंब) येथे मुख्यमंत्र्यांना निवेदन देण्यासाठी आलेल्या शेतकऱ्यांना दोरखंड आणि लाकडी जाळ्या लावून रोखण्यात आले. या प्रकारावर आमदार कैलास पाटील आणि आमदार प्रवीण स्वामी यांनी प्रश्न उपस्थित केला. चाकूरमध्येही शेतकऱ्यांना नुकसानभरपाईच्या मागणीसाठी रिपब्लिकन पक्षाच्या (आठवले गट) वतीने आंदोलन करण्यात आले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
