Ladki Bahin Yojana Payment Updates: लाडक्या बहिणींसाठी आनंदाची बातमी आहे. या योजनेअंतर्गत फेब्रुवारी महिन्याचा मुख्यमंत्री माझी लाडकी बहीण योजनेच्या सन्मान निधी वितरणास सुरुवात झाली आहे. येत्या ३ दिवसांत हा निधी थेट लाभार्थी महिलांच्या खात्यात जमा होईल, अशी माहिती महसूल मंत्री चंद्रशेखर बाबनकुळे यांनी शनिवारी (दि. २८ मार्च) दिली..फडणवीस सरकारच्या वतीने राज्यातील लाडक्या बहिणींसाठी सन्मान, विश्वास आणि सशक्तीकरणाचा आणखी एक मजबूत टप्पा! फेब्रुवारी महिन्याच्या निधी वितरणास सुरुवात झाली आहे. ही केवळ आर्थिक मदत नसून, महिलांच्या स्वावलंबनाला बळ देणारी आणि त्यांच्या सामर्थ्याला नवी उंची देणारे प्रेरणादायी पाऊल आहे, असे बावनकुळे यांनी एक्सवरील पोस्टमध्ये म्हटले आहे..मुख्यमंत्री माझी लाडकी बहीण योजनेतील सर्व पात्र लाभार्थ्यांना फेब्रुवारी महिन्याचा सन्मान निधी वितरित करण्याची तांत्रिक प्रक्रिया सुरू करण्यात आली आहे. पुढील २-३ दिवसांत सर्व पात्र लाभार्थ्यांच्या आधार संलग्न बँक खात्यात हा सन्मान निधी जमा होईल, असे महिला व बालकल्याण मंत्री आदिती तटकरे यांनी म्हटले आहे. .''महायुती सरकारचा दृढ निश्चय, मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्रा पवार यांचे सातत्यपूर्ण मार्गदर्शन आणि महाराष्ट्रातील लाडक्या बहिणींचा दृढ विश्वास या बळावर मुख्यमंत्री माझी लाडकी बहीण योजनेची दमदार वाटचाल यापुढेही अशीच सुरू राहील,'' असा विश्वास त्यांनी व्यक्त केला आहे..Ladki Bahin Yojana: लाडक्या बहिणींसाठी खुशखबर, बिनव्याजी कर्ज पुरवठ्याबाबत मुख्यमंत्री फडणवीसांची महत्त्वाची माहिती.दरम्यान, लाडकी बहीण योजनेच्या लाभार्थी महिलांना ३१ मार्चपर्यंत ई- केवायसी (e-KYC) दुरुस्तीसाठी मुदत देण्यात आली आहे. ही प्रक्रिया करताना काही लाभार्थ्यांकडून चुकीचा पर्याय निवडला गेल्याने योजनेचा लाभ मिळण्यात अडचणी येत असल्याच्या तक्रारी आल्य होत्या. विशेषतः ज्या पात्र लाभार्थ्यांनी ई-केवायसी करूनही त्यांना अद्याप योजनेचा लाभ मिळालेला नाही, अशा सर्व बहिणींना ई-केवायसीची माहिती दुरुस्ती करण्यासाठी पुन्हा एकदा संधी देण्यात आली आहे, असे याआधी मंत्री आदिती तटकरे यांनी सांगितले होते..Ladki Bahin Yojana: लाडकी बहीण योजनेच्या फेब्रुवारी हप्त्यासाठी सरकारकडून २७७ कोटींचा निधी मंजूर; लवकरच खात्यात जमा होणार १५०० रुपये; शासन निर्णय जारी.ऑनलाइन पोर्टलच्या माध्यमातून ३१ मार्च २०२६ पर्यंत 'ई-केवायसी'मध्ये दुरुस्ती करण्याची सुविधा उपलब्ध करून दिली आहे. सर्व पात्र लाभार्थ्यांना या योजनेचा लाभ मिळावा हीच महिला आणि बालविकास विभागाची भूमिका आहे. म्हणूनच, ज्या लाडक्या बहिणींच्या ई-केवायसी प्रक्रियेत काही चूक झाली आहे, त्यांनी मुदतीपूर्वी दुरुस्ती करून घ्यावी, असे आवाहन त्यांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
