Women Scheme: मुख्यमंत्री माझी लाडकी बहीण योजनेतील लाभार्थ्यांची पडताळणी आणि ई-केवायसी प्रक्रियेनंतर अनेक महिलांची नावे लाभार्थी यादीतून वगळण्यात आली आहेत. रक्षाबंधनाच्या पार्श्वभूमीवर राज्य सरकारकडून जुलै महिन्याचा १,५०० रुपयांचा हप्ता ‘ओवाळणी’ म्हणून वितरित केला जात आहे. मात्र, विविध कारणांमुळे सुमारे ५३ हजार ६३७ महिलांना जुलै महिन्याचा हप्ता मिळणार नसल्याचे माहिती समोर आले आहे. यामध्ये ६५ वर्षांपेक्षा अधिक वय झालेल्या महिलांची संख्या मोठी आहे..राज्य सरकारने जून २०२४ मध्ये मुख्यमंत्री माझी लाडकी बहीण योजना सुरू केली. योजनेच्या सुरुवातीला लाभार्थी महिलांची संख्या मोठी होती. मात्र, त्यानंतर आधार प्रमाणीकरण, ई-केवायसी, उत्पन्नाची अट, कुटुंबातील शासकीय कर्मचारी, इतर शासकीय योजनांचा लाभ तसेच योजनेतील इतर पात्रता निकषांची पडताळणी करण्यात आली. या प्रक्रियेत मोठ्या प्रमाणावर लाभार्थी अपात्र ठरले..Ladki Bahin Yojana: लाडक्या बहिणींना रक्षाबंधनाची भेट; जुलै महिन्याचा हप्ता वितरणाची प्रक्रिया सुरू .एकूण २ कोटी ४८ लाख महिलांनी योजनेसाठी अर्ज केले होते. त्यापैकी एप्रिल अखेर सुमारे ९२ लाख नोंदी अपात्र ठरवण्यात आल्या. त्यामुळे योजनेतील पात्र लाभार्थी महिलांची संख्या सुमारे १.६५ कोटींवर आली आहे..Ladki Bahin Yojana: मुख्यमंत्री लाडकी बहीण योजनेतील अपात्र लाभार्थ्यांवर सरकारची कारवाई; अनुदानाची वसुली, तुरुंगवासाचीही शक्यता?.तर रक्षाबंधनाच्या पार्श्वभूमीवर २५ ऑगस्टपासून जुलै महिन्याच्या हप्त्याचे वितरण सुरू करण्यात आले. सामाजिक न्याय विभाग आणि वित्त विभागाकडून उपलब्ध झालेल्या निधीतून लाभार्थी महिलांच्या खात्यांमध्ये गुरुवारी सायंकाळपर्यंत राज्यातील १ कोटी ४१ लाख ८५ हजार खात्यांमध्ये सुमारे २ हजार ९५ कोटी रुपये जमा करण्यात आले आहेत..६५ वर्षांची वयोमर्यादा ठरली महत्त्वाचीमुख्यमंत्री माझी लाडकी बहीण योजनेच्या पात्रतेमध्ये २१ ते ६५ वर्षे वयोगटातील महिला हा प्रमुख निकष आहे. त्यामुळे ६५ वर्षांची वयोमर्यादा ओलांडलेल्या महिलांना यापुढे योजनेचा लाभ घेता येणार नाही. परिणामी सुमारे ५३ हजार ६३७ महिलांना जुलै महिन्याचा १,५०० रुपयांचा हप्ता मिळणार नसल्याचे स्पष्ट झाले आहे..दरम्यान, योजना सुरू झाल्यानंतर आलेल्या पहिल्या रक्षाबंधनाच्या काळात सरकारने एकाच वेळी तीन महिन्यांचे म्हणजेच ४,५०० रुपयांचे अनुदान महिलांच्या खात्यांमध्ये जमा केले होते. या रकमेचा सरकारकडून ‘रक्षाबंधणाची ओवाळणी’ म्हणून प्रचार करण्यात आला होता. यंदाही रक्षाबंधनाच्या पार्श्वभूमीवर जुलै महिन्याचा १,५०० रुपयांचा हप्ता ‘ओवाळणी’ म्हणून दिला जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
