Krishi Samruddhi Scheme : बहुचर्चित कृषी समृद्धी योजनेच्या अनुदान वाटपाला अखेर मुहूर्त मिळाला आहे. राज्य शासनाने योजनेसाठी दोन हजार कोटी रुपयांचा निधी मंजूर केला असून, त्यापैकी सुमारे १,२७८ कोटी रुपये शेतकऱ्यांचे प्रलंबित अनुदान वितरित करण्यासाठी वापरण्याचे निश्चित करण्यात आले आहे. त्यामुळे दीर्घकाळ अनुदानाच्या प्रतीक्षेत असलेल्या शेतकऱ्यांना मोठा दिलासा मिळणार आहे..राज्य सरकारने कृषी समृद्धी योजना जाहीर करताना दरवर्षी पाच हजार कोटी रुपये, अशी पाच वर्षांत एकूण २५ हजार कोटी रुपयांची तरतूद करण्याची घोषणा केली होती. सूक्ष्म सिंचन, अवजारे बँका, मूल्यसाखळी विकास, जैविक व नैसर्गिक शेती, साठवणूक आणि अन्न प्रक्रिया यांसारख्या घटकांसाठी हा निधी वापरला जाणार असल्याचे सांगण्यात आले होते. मात्र, गेल्या वर्षभरात या योजनेसाठी प्रत्यक्षात निधी उपलब्ध न झाल्याने अनुदान वाटप पूर्णपणे ठप्प झाले..Krushi Samruddhi Subsidy: ‘कृषी समृद्धी’च्या थकीत अनुदानापोटी १,२७८ कोटी मंजूर.दरम्यान, निधी उपलब्ध होईल या अपेक्षेवर राज्यभर विविध योजनांची उद्दिष्टे वाढविण्यात आली आणि मोठ्या प्रमाणावर शेतकऱ्यांना पूर्वसंमतिपत्रे देण्यात आली. त्यानुसार अनेक शेतकऱ्यांनी कृषी अवजारे व साहित्याची खरेदी केली; मात्र निधी न मिळाल्याने अनुदान रखडले आणि शेतकरी आर्थिक अडचणीत सापडले. हा प्रश्न ‘’ॲग्रोवन’’ने सातत्याने उपस्थित केला होता..थकीत अनुदानाला प्राधान्यकृषी विभागाच्या उपसचिव प्रतिभा पाटील यांनी २३ जुलै रोजी कृषी आयुक्त सूरज मांढरे यांना पाठविलेल्या पत्रानुसार, चालू आर्थिक वर्षात (२०२६-२७) कृषी समृद्धी योजनेची अंमलबजावणी करण्यास शासनाने मान्यता दिली आहे..Agriculture Scheme: शेतीमध्ये गुंतवणुकीसाठी अर्थसहाय्य; नानाजी देशमुख कृषी संजीवनी प्रकल्प २ साठी २२१ कोटी निधी मंजूर.विभागीय सूत्रांनी दिलेल्या माहितीनुसार, मंजूर झालेल्या दोन हजार कोटी रुपयांपैकी सुमारे ६३ टक्के निधी प्रलंबित अनुदान वाटण्यासाठी वापरण्याचे निर्देश देण्यात आले आहेत. यातील सुमारे ९९८ कोटी रुपये कृषी यांत्रिकीकरणातील थकीत अनुदानासाठी खर्च केले जाणार आहेत. तसेच मुख्यमंत्री अन्न प्रक्रिया योजनेतील प्रलंबित अनुदानासाठी २० कोटी रुपये देण्यात येणार आहेत..संशोधनाला चालना मिळणारकृषी समृद्धी योजनेतून राज्यातील कृषी विद्यापीठांच्या संशोधन प्रकल्पांसाठीही निधीची तरतूद करण्यात आली आहे. पहिल्या टप्प्यात ७२ कोटी रुपये संशोधन व विकासासाठी मंजूर करण्यात आले असून, निधीअभावी रखडलेल्या विविध संशोधन प्रस्तावांना त्यामुळे गती मिळण्याची अपेक्षा व्यक्त होत आहे. पहिल्या वर्षीचा निधी मर्यादित असला तरी पुढील काळात अधिक भरीव आर्थिक तरतूद मिळेल, अशी अपेक्षा कृषी विद्यापीठांतील संशोधन संचालकांनी व्यक्त केली आहे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
