Konkan Farmers Protest Mumbai News: कोकणातील आंबा, काजू उत्पादकांना पुरेशी नुकसान भरपाई देण्याच्या मागणीसाठी शुक्रवारी (दि. १५ मे) मुंबईतील गिरगाव चौपाटी ते वर्षा निवासस्थान धडक मोर्चाचे आयोजन केले होते. पण हा मोर्चा निघण्यापूर्वी शिवालयाबाहेर स्वाभिमानी शेतकरी संघटनेचे अध्यक्ष राजू शेट्टी, राष्ट्रीय समाज पक्षाचे अध्यक्ष महादेव जानकर, काँग्रेस प्रदेशाध्यक्ष हर्षवर्धन सपकाळ यांच्यासह आंदोलक शेतकऱ्यांची पोलिसांनी धरपकड केली. त्यांना वर्षा निवासस्थानाकडे जाण्यापासून रोखत ताब्यात घेण्यात आले. यामुळे येथे तणावाची परिस्थिती निर्माण झाली. .कोकणातील शेतकऱ्यांना न्याय मिळालाच पाहिजे, अशा घोषणा आंदोलकांनी दिल्या. आम्ही प्रशासनासोबत चर्चा करण्यासाठी आलो होतो. आम्ही कसलाही गुन्हाच केलेला नाही आणि कसल्याही प्रकारचे आंदोलन केलेले नाही. आम्हाला ताब्यात घेण्याचे कारण काय? असा सवाल राजू शेट्टी यांनी केला. .Farmers Compensation Protest: तुटपुंज्या मदतीविरोधात वर्षा बंगल्यावर शुक्रवारी मोर्चा .राजू शेट्टी आणि महादेव जानकर यांनी रस्त्यावर ठिय्या दिला. यावेळी पोलिस आणि आंदोलकांमध्ये जोरदार बाचाबाची झाली. त्यांना पोलिसांनी ताब्यात घेत डोंगरी पोलिस स्थानकात नेले. 'आम्ही ७० लोकांना ताब्यात घेतले आहे. आमची कृती जर तुम्हाला बेकायदेशीर वाटत असेल तर तुम्ही तुमचे म्हणणे न्यायालयात मांडा,' असे पोलिस अधिकाऱ्यांनी राजू शेट्टी यांना सांगितले. .Shaktipeeth Highway Protest: शक्तिपीठ महामार्गाविरोधात शेतकऱ्यांनी आंदोलन उभारावे.या सरकारला कोकणला केवळ फार्म हाऊस करायचे आहे, असा आरोप शेट्टी यांनी केला. कोकणचा आंबा सातासमुद्रापार गेला. पण सध्या आंबा बागायतदार आर्थिक अडचणीत आहे. त्यासाठी कोकणातील आंबा उत्पादकांना घामाचे दाम मिळण्यासाठी गिरगाव चौपाटी ते वर्षा निवासस्थान असा धडक मोर्चा काढण्यात येणार होता..अवकाळी पाऊस तसेच बदलत्या हवामानामुळे यंदा आंबा, काजू पिकांचे मोठे नुकसान झाले आहे. यासाठी सरकारने जाहीर केलेली मदत तोकडी असल्याचा आरोप शेट्टी यांनी केला आहे. नुकसानग्रस्त आंबा उत्पादकांना हेक्टरी पाच लाख रुपये तर काजू उत्पादक शेतकऱ्यांना हेक्टरी दोन लाख रुपये मदतीची मागणी करण्यात आली आहे. .राज्य सरकारने शेतकऱ्यांना हेक्टरी २२ हजार रुपये मदत देण्याचे जाहीर केले आहे. पण ही मदत तोकडी असल्याचे आंबा, काजू उत्पादकांचे म्हणणे आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
