ठळक मुद्देगोकुळकडून २०२४ ते २०२५ या आर्थिक वर्षातील दिवाळी दूध दर फरक जाहीर दूध उत्पादकांना १३६ कोटी ३ लाख इतका उच्चांकी अंतिम दूध फरकम्हैस दुधासाठी प्रतिलिटर २ रुपये ४५ पैसे, गाय दूधास १ रुपये ४५ पैसे मिळणार१ ऑक्टोबर रोजी प्राथमिक दूध संस्थाच्या बँक खात्यावर पैसे जमा होणार.Gokul Dudh Sangh : कोल्हापूर जिल्हा सहकारी दूध उत्पादक संघाचे (गोकुळ) अध्यक्ष नविद मुश्रीफ आणि संचालक मंडळाने मंगळवारी (दि. ३० सप्टेंबर) २०२४ ते २०२५ या आर्थिक वर्षाचा दिवाळी दूध दर फरक जाहीर केला. गोकुळकडून दूध उत्पादकांना १३६ कोटी ३ लाख इतका उच्चांकी अंतिम दूध फरक दिला जाईल. गेल्या वर्षीच्या तुलनेत यंदा दूध उत्पादकांना २२ कोटी ३७ लाख रुपये जादा मिळतील. ही रक्कम १ ऑक्टोबर २०२५ रोजी थेट प्राथमिक दूध संस्थाच्या बँक खात्यावर जमा केली जाणार असल्याचे नविद मुश्रीफ यांनी पत्रकार परिषदेत सांगितले. .या दर फरकाचा लाभ कोल्हापूर जिल्ह्यातील तसेच सीमा भागातील गोकुळशी संलग्न असलेल्या ८ हजार १२ दूध संस्थांच्या सुमारे ५ लाख दूध उत्पादक सभासदांना होईल. .Gokul Dudh Sangh: गोकुळ दूध संघ आता आईस्क्रीम, चीज बाजारात आणणार, सभेत घोषणा, बैठकीत नेमकं काय ठरलं?.प्रतिलिटर कसा मिळेल फरक?आर्थिक वर्ष २०२४-२०२५ मधील १ एप्रिल २०२४ ते ३१ मार्च २०२५ या कालावधीतील गोकुळला पुरवठा केलेल्या म्हैस दुधासाठी सरासरी प्रतिलिटर २ रुपये ४५ पैसे आणि गाईच्या दूधास सरासरी प्रतिलिटर १ रुपये ४५ पैसे प्रमाणे अंतिम दूध दर फरक मिळेल. दूध उत्पादकांना हिरक महोत्सवी जादा दर फरक म्हैस दुधासाठी प्रतिलिटर २० पैसे आणि गाय दुधासाठी प्रतिलिटर २० पैसे देण्यात आला आहे. त्याचा वरील दर फरकामध्ये समावेश असल्याचे सांगण्यात आले आहे..दूध संकलन वाढले आहे आणि दूध विक्रीही वाढल्याने सभासदांना जास्त लांभाश देत असल्याचे मुश्रीफ म्हणाले. गोकुळकडून दूध उत्पादकांना मिळालेली ही दिवाळी भेट असल्याचे त्यांनी नमूद केले. .गोकुळने प्रतिदिनी दूध संकलनाचा १८ लाख ५९ हजार लिटरचा टप्पा पार केला आहे. दूध विक्रीचे सर्व उच्चांक मोडीत काढत सणासुदीत एका दिवसात २३ लाख ६३ हजार लिटरची दूध विक्री केली. तसेच सन २०२४-२५ या आर्थिक वर्षामध्ये म्हैस दुधासाठी प्रति लिटर ६० रुपये ४८ पैसे आणि गाईच्या दूधास ३६ रुपये ८४ पैसे इतका दूध दर अंतिम दरफरकासह मिळाला असल्याचे नविद मुश्रीफ म्हणाले. .Milk Prices: मदर डेअरीने दूध, बटरसह उत्पादनांचे भाव कमी केले; जीएसटी घटल्याचा ग्राहकांना फायदा .यावेळी गोकुळचे माजी अध्यक्ष विश्वास पाटील, अरुण डोंगळे, संचालक बाबासाहेब चौगले, शशिकांत पाटील–चुयेकर, किसन चौगले, रणजितसिंह पाटील, संभाजी पाटील, प्रकाश पाटील, सुजित मिणचेकर, बाळासो खाडे, मुरलीधर जाधव, कार्यकारी संचालक डॉ. योगेश गोडबोले आणि संघाच्या अधिकाऱ्यांची उपस्थिती होती..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
