जयसिंगपूर, जि. कोल्हापूर : वाढत्या तापमानाचा विहिरींच्या जलसाठ्यांवर दुष्परिणाम होताना दिसत आहे. महिन्याभरात शहर व परिसरातील विहिरींच्या पाण्याची पातळी तब्बल आठ ते दहा फुटांनी खालावली आहे. दिवसेंदिवस पाण्याची पातळी कमी होत असल्यामुळे शेतकरी धास्तावला आहे. अशा स्थितीत आणखी दोन महिने पिके जगण्यासाठी शेतकऱ्यांची धडपड सुरू आहे. .या वर्षी मोठ्या प्रमाणात उष्मा जाणवत आहे. वाढत्या उष्म्याबरोबरच भूगर्भातील जलसाठ्यांची पातळी कमी होताना दिसत आहे. परिणामी पाणी उपशावर देखील मर्यादा येत आहेत. अशीच स्थिती राहिली तर दिवसाला दोन ते तीन तास पाणी उपसा होणार आहे. एप्रिल, मे, जूनच्या पंधरवड्यापर्यंत शेतकऱ्यांना आपली पिके जगवावी लागणार आहेत..Groundwater Level: सांगली जिल्ह्याच्या भूजल पातळीत जानेवारीत ०.३४ मीटरने वाढ.शिरोळ तालुक्यातील अनेक गावांमध्ये विहिरींनी तळ गाठल्याने पाणीटंचाई निर्माण होत आहे. माळरानावरील उसासह इतर पिके सध्या पाणी कमी पडल्याने करपण्याचा धोका निर्माण झाला आहे. वाढत्या तापमानामुळे पिकांना पाण्याची गरज भासत आहे. गेल्या काही वर्षांचा अनुभव लक्षात घेता एप्रिलमध्ये पाण्याची तीव्र टंचाई निर्माण होते. यामुळे पिके हाताची जाताना शेतकऱ्यांनी पाहिले आहेत. हा धोका टाळण्यासाठी शेतकऱ्यांकडून सध्या हिरवागार असणारा ऊस चाऱ्यासाठी विकला जात आहे..Groundwater Level : साताऱ्यातील जावळी, कऱ्हाडमध्ये भूजल पातळीत घट.विहिरीच्या पाण्यावर अवलंबून असणारी पिके सध्या धोक्यात आली आहेत. गेल्या आठवड्यात पूर्वमोसमी पावसाने चकवा दिला. चांगला पाऊस झाला असता तर पिकांच्या पाण्याची काही दिवसांची गरज भागली असती. सध्या शेतकऱ्यांना चांगल्या वळीव पावसाची प्रतीक्षा आहे. पाण्याची टंचाई निर्माण झाल्यास उपसा बंदीचे संकटही निर्माण होऊ शकते. पावसाला अद्याप अडीच महिन्यांचा कालावधी बाकी असताना भूगर्भातील जल स्रोत झपाट्याने कमी होत असल्याने चिंता निर्माण झाली आहे..गेल्या काही वर्षांचा अनुभव लक्षात घेऊन विहिरींच्या पाण्यावर ऊस पिकवणाऱ्या शेतकऱ्यांनी पाण्याचे दुर्भिक्ष लक्षात घेऊन हिरवागार ऊस चारासाठी विक्री करण्याचा सपाटा सुरू केला आहे. यामुळे नुकसान टाळता येते. शिवाय सध्या निर्माण झालेल्या चाऱ्याच्या टंचाईवरही मात करता येऊ शकते. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
