कागलमध्ये दोन उमेदवारांनी अर्ज माघारी घेतल्याने राष्ट्रवादीच्या उमेदवार सेहरनिदा नवाज मुश्रीफ यांची बिनविरोध निवडदबावतंत्राचा वापर होण्याची शक्यतेने मंडलिक गटाने उमेदवारांना अज्ञातस्थळी हलवले सर्व उमेदवार सुरक्षित असल्याचा दावा, घडामोडींना वेग.Kolhapur Politics: मंत्री हसन मुश्रीफ आणि शाहू ग्रुपचे अध्यक्ष समरजितसिंह घाटगे यांच्यातील अनपेक्षित युतीनंतर कोल्हापूर जिल्ह्यातील राजकारण ढवळून निघाले आहे. दरम्यान, कागल नगरपरिषदेच्या निवडणुकीत (Kagal Nagar Parishad election) बुधवारी प्रभाग नऊमध्ये दोन उमेदवारांनी उमेदवारी अर्ज माघारी घेतल्याने राष्ट्रवादी काँग्रेस पक्षाच्या उमेदवार सेहरनिदा नवाज मुश्रीफ यांची बिनविरोध निवड झाली. सेहरनिदा ह्या हसन मुश्रीफ यांचा भाऊ अन्वर मुश्रीफ यांच्या स्नुषा आहेत..या सर्व घडामोडीत आणखी काही उमेदवारांवर उमेदवारी अर्ज माघार घेण्यासाठी दबावतंत्राचा वापर होऊ शकतो, अशी शक्यता व्यक्त करत संजय मंडलिक गटाने त्यांच्या उमेदवारांना अज्ञानस्थळी पाठवले आहे. अर्ज मागे घेण्याची अंतिम मुदत २१ नोव्हेंबर असून तोपर्यंत उमेदवारांना सुरक्षित ठिकाणी ठेवले असल्याची चर्चा सुरु आहे..Kolhapur Politics: ‘अदृश्य शक्तीचा हात...; एकत्र आलोय, कायम एकत्र राहण्यासाठी’; कट्टर विरोधक मुश्रीफ-घाटगेंची युती.कागल नगरपरिषदेच्या निवडणुकीत लोकशाहीची हत्या होत असल्याचा आरोप माजी खासदार संजय मंडलिक यांच्या गटाकडून करण्यात आला आहे. उमेदवारांची बिनविरोध निवड केली जात असून डॉ. बाबासाहेब आंबेडकर यांनी दिलेल्या एका मताचा मतदान करण्याचा हक्क काढून घेतला जात आहे. वरिष्ठांच्या निर्देशानुसार आम्ही निवडणूक लढवू आणि कागल नगरपरिषदेवर भगवा फडकवणार आहोत, असा दावा त्यांच्याकडून करण्यात आला आहे..''आम्ही सुरुवात केली आहे. एकदा आमच्यावर विश्वास ठेवून बघा. आम्ही निवडणूक जिंकून दाखवू,'' अशी प्रतिक्रिया कागल नगरपरिषद निवडणूक लढवणारे उमेदवार महेश घाटगे व्यक्त केली आहे. ते शिवसेनेच्या संजय मंडलिक गटाचे उमेदवार आहेत. .Sanjay Mandlik Kolhapur: मुश्रीफांचा पहिल्यापासूनच डाव, लोकसभेला मला या दोघांनी फसवलं, संजय मंडलिकांचा आरोप.आम्ही कोणत्याही आमिषाला बळी पडणार नाही आणि माघार घेण्यासाठी आम्ही निवडणुकीत उभे राहिलेलो नाही. आमचे सर्व उमेदवार सर्वसामान्य कुटुंबातील आहेत. या उमेदवारांवर त्यांच्या नातेवाईकांकडून दबावतंत्र सुरू आहे. आमचे सर्व उमेदवार या दबावाला झुकणार नाहीत. तसेच आमचे सर्व उमेदवार सुरक्षित असल्याचे घाटगे यांनी म्हटले आहे..दरम्यान, मुश्रीफ-समरजितसिंह घाटगे यांच्या युतीनंतर एकाकी पडलेले संजय मंडलिक यांनी भाजपचे नेते संजय घाटगे यांची भेट घेतली. त्यांनी कागल आणि मुरगूड नगरपरिषदेच्या निवडणुकीसाठी मदतीचा हात देण्याची विनंती केली असल्याचे समजते. तसेच संजय मंडलिक यांच्या पाठीशी आता पालकमंत्री प्रकाश आबिटकर उभे राहिल्याने कागलमध्ये चुरस वाढणार चित्र दिसत आहे. .कागलमध्ये राष्ट्रवादी आणि छत्रपती शाहू आघाडीची युती झाल्यानंतर मुश्रीफ यांनी, माजी आमदार संजय घाटगे आणि त्यांच्या प्रमुख कार्यकर्त्यांना विश्वासात न घेता हा निर्णय घ्यावा लागल्याचे म्हटले होते. त्याबद्दल त्यांनी दिलगिरी व्यक्त केली होती. या युतीमुळे कोणाचाही विश्वासघात होणार नाही, असे मुश्रीफ यांनी म्हटले होते. दरम्यान, या युतीच्या पार्श्वभूमीवर संजय घाटगे यांची प्रतिक्रिया अद्याप समोर आलेली नाही. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
