Kharif Season Supply Concerns: ऑनलाइन खत विक्रीची सक्ती मागे घेण्याबाबत जिल्हाधिकारी कार्यालयात झालेली बैठक निष्फळ ठरल्यानंतर जिल्ह्यातील कृषी निविष्ठा विक्रेत्यांनी आंदोलन तीव्र केले आहे. शुक्रवारी (ता. १२) सर्व पॉस मशिन्स प्रशासनाकडे परत करत विक्रेत्यांनी खत विक्री बंद आंदोलन सुरू केले. त्यामुळे खरीप हंगामाच्या तोंडावर जिल्ह्यातील खत वितरणाचा प्रश्न अधिकच गंभीर बनला आहे..ऑनलाइन खत विक्री ॲपमधील तांत्रिक अडचणी, नेटवर्क समस्या आणि व्यवहार प्रक्रियेत येणारे अडथळे लक्षात घेऊन शासनाने या प्रणालीच्या सक्तीबाबत फेरविचार करावा आणि मुदतवाढ द्यावी, अशी मागणी कृषी निविष्ठा विक्रेत्यांकडून करण्यात आली होती. यासंदर्भात कोल्हापूर असोसिएशन ऑफ बियाणे, कीटकनाशके व रासायनिक खते विक्रेते संघटना यांनी यापूर्वी जिल्हा प्रशासनाला निवेदन दिले होते..Fertilizer Dealers Protest: विदर्भात कृषी विक्रेत्यांच्या संपाला शंभर टक्के प्रतिसाद.या पार्श्वभूमीवर गुरुवारी (ता. ११) जिल्हाधिकारी डॉ. विजय राठोड यांच्या अध्यक्षतेखाली बैठक झाली. बैठकीस जिल्हा पोलिस अधीक्षक निलोत्पल, जिल्हा अधीक्षक कृषी अधिकारी जालिंदर पांगरे, जिल्हा कृषी विकास अधिकारी राजेंद्र माने, मोहीम अधिकारी सुशांत लवटे, जिल्हा गुणनियंत्रण अधिकारी सुनील शेणवी तसेच विक्रेत्यांचे प्रतिनिधी उपस्थित होते..Fertilizer Dealers Protest: साडेअकरा हजारांवर कृषी सेवा केंद्रांचा बंदमध्ये सहभाग.बैठकीत अधिकाऱ्यांनी ऑनलाइन प्रणालीमध्ये काही त्रुटी असल्याचे मान्य केले. मात्र त्या असूनही खत विक्रीसाठी ही प्रणाली वापरणे आवश्यक असल्याची भूमिका प्रशासनाने कायम ठेवली. काही लोकप्रतिनिधींनी मध्यस्थी करून तोडगा काढण्याचा प्रयत्न केला. मात्र ऑनलाइन विक्रीची सक्ती कायम राहिल्याने विक्रेत्यांनी आंदोलन सुरू ठेवण्याचा निर्णय घेतला..खरीप हंगामाच्या पार्श्वभूमीवर खत विक्री बंद आंदोलनामुळे शेतकऱ्यांना खत उपलब्धतेबाबत अडचणी निर्माण होण्याची शक्यता व्यक्त होत आहे..खरीप हंगामाच्या पार्श्वभूमीवर प्रशासन अडचणी समजून घ्यायला तयार नाही. शेतकरी आणि प्रशासन यांच्यात आमची कोंडी होत आहे. शेतकऱ्यांच्या रोषाला सामोरे जावे लागत आहे. प्रशासनही समन्वयाची भूमिका घेत नसल्याने खत विक्री बंद करण्याशिवाय आमच्याकडे पर्याय उरलेला नाही.- विनोद पाटील, अध्यक्ष, कोल्हापूर जिल्हा कृषी खत विक्रेते संघटना.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
