मोनिका गायकवाड, डॉ. विजया पवार, मोनाली जोशी Kiwi Nutrition Facts and Health Advantages: किवी हे आकाराने लहान, अंडाकृती आणि बाहेरून केसाळ तर आतून हिरवट रंगाचे आकर्षक फळ आहे. त्यामध्ये लहान काळ्या बिया असतात आणि चव गोड-आंबट असल्याने ते खाल्ल्यानंतर ताजेतवाने वाटते. पोषणमूल्याच्या दृष्टीने किवी अत्यंत समृद्ध असून विशेषतः जीवनसत्त्व ‘क’ मोठ्या प्रमाणात आढळते. हे जीवनसत्त्व शरीराची रोगप्रतिकारशक्ती वाढविण्यासोबतच त्वचेचे आरोग्य सुधारण्यास आणि संसर्गांपासून संरक्षण करण्यास मदत करते. किवीमध्ये जीवनसत्त्व ई, तंतुमय पदार्थ, पोटॅशियम, फोलेट, अँटिऑक्सिडंट्स, मॅग्नेशिअम आणि झिंक देखील मुबलक प्रमाणात असतात. ते हृदयाचे आरोग्य राखण्यास, पचनक्रिया सुधारणा, वजन नियंत्रण आणि संपूर्ण आरोग्यासाठी उपयुक्त ठरतात..किवीचे प्रकार पाहता हिरवी किवी सर्वाधिक प्रचलित असून ती चवीला हलकी आंबट-गोड असते. गोल्ड किवी आतून पिवळसर असून अधिक गोड लागते. किवी बेरी आकाराने लहान असून स्नॅक्स म्हणून खाण्यास योग्य असते, तर संकरित किवी प्रकार उत्पादन व टिकाऊपणाच्या दृष्टीने विकसित करण्यात आले आहेत. आरोग्याच्या दृष्टीने किवी अत्यंत उपयुक्त मानले जाते. १०० ग्रॅम किवीमध्ये सुमारे ६१ कॅलरी ऊर्जा मिळते. त्यामध्ये कार्बोहायड्रेट्स, प्रथिने, कमी प्रमाणातील फॅट आणि नैसर्गिक साखर असल्याने शरीराला हलकी ऊर्जा मिळते. किवीतील फायबर पचनक्रिया सुधारते आणि आतड्यांतील उपयुक्त सूक्ष्मजिवांची वाढ करण्यास मदत करते..Fruit Harvesting Tools: फळे काढणीस उपयुक्त आधुनिक साधने.किवीचे प्रकारहिरवी किवीकिवी फळाचा हा सर्वात सामान्य प्रकार असून ते सर्वत्र उपलब्ध असतो.आतमध्ये रंगाला हिरवे आणि चवीला हलका आंबट आणि गोडसर असतो.यात पोषणमूल्य जास्त असून जीवनसत्त्व क, तंतुमय पदार्थ आणि अँटिऑक्सिडंट्सने समृद्ध आहे.ज्यूस, स्मूदी किंवा सॅलडमध्ये जास्त वापर..गोल्ड किवीआतून पिवळसर रंगाचे आणि चवीला गोड आणि हलका आम्लीय.बाहेरील आवरण त्वचा मऊ असल्यामुळे सहज खाता येते.हिरव्या किवीच्या तुलनेत साखरेचे प्रमाण जास्त आणि आंबटपणा कमी असतो.हृदयाचे आरोग्य राखणे आणि रोगप्रतिकारशक्ती वाढीसाठी फायदेशीर पोषक घटक यामध्ये मुबलक प्रमाणात असतात..किवी बेरी किंवा बेबी किवीआकाराने लहान असल्याने संपूर्ण किवी एकाच वेळी खाता येते.बाहेरील आवरण मऊ आणि चवीला गोडसर असते.स्नॅक्स किंवा सॅलडसाठी उत्तम. मोठ्या किवी प्रमाणे पोषणमूल्य टिकवते.फायबर आणि जीवनसत्त्व C मुबलक प्रमाणात असते..संकरित किवीविविध प्रकारचे किवी एकत्र करून नवीन चव किंवा उत्पादन वाढीसाठी विकसित केले जातात.काही संकरित किवी जास्त गोडसर तर काही अधिक टिकाऊ असतात. ते थंड हवामानातही सहज उगवतात.विशेषतः औद्योगिक उत्पादनासाठी आणि निर्यातीसाठी संकरित किवी विकसित करण्यात आले आहेत..Dragon Fruit Benefits: क्षेत्र वाढते, जाणीव-जागृती वाढवा.आरोग्यासाठी फायदेकिवी हे लहान, अंडाकृती फळ असून त्याचा बाह्य भाग केसाळ आणि आतील भाग हिरवट व बियायुक्त असतो.चवीला हलके गोड-आंबट असलेले हे फळ पोषणमूल्यानेही समृद्ध आहे. किवीमध्ये जीवनसत्त्वे, खनिजे, फायबर आणि अँटिऑक्सिडंट्स मुबलक प्रमाणात असतात..१०० ग्रॅम किवीमध्ये सुमारे ६१ कॅलरी असतात. त्यात कार्बोहायड्रेट्स १५ ग्रॅम, प्रोटिन १ ग्रॅम, फॅच ०.५ ग्रॅम आणि शर्करा ९ ग्रॅम असते. त्यामुळे शरीराला ऊर्जा मिळते.किवीमध्ये विविध जीवनसत्त्वे आढळतात. त्यामध्ये जीवनसत्त्व क मुबलक प्रमाणात असते. ते प्रतिकारशक्ती वाढवते, त्वचा निरोगी ठेवते आणि आजारांच्या संसर्गांपासून संरक्षण करते. तसेच जीवनसत्त्व ई अँटिऑक्सिडंट म्हणून कार्य करते आणि पेशींचे हानिकारक परिणामांपासून बचाव करते..बी-कॉम्प्लेक्स जीवनसत्त्वे शरीराला ऊर्जा निर्माण करण्यास आणि मेंदू व स्नायूंचे कार्य सुधारण्यास मदत करतात. हाडे मजबूत ठेवण्यास उपयुक्त.नवीन पेशींच्या निर्मितीसाठी उपयुक्त ठरते.किवीमध्ये पोटॅशियम, कॅल्शियम, मॅग्नेशियम, फॉस्फरस, झिंक, लोह आणि सोडियम यासारखी खनिजे मुबलक प्रमाणात असतात. पोटॅशियम हृदयाचे स्वास्थ्य टिकवते आणि रक्तदाब नियंत्रित ठेवते. कॅल्शिअम आणि मॅग्नेशिअम हाडे व स्नायू मजबूत ठेवतात. झिंक प्रतिकारशक्ती वाढवते, त्वचा व केसांसाठी फायदेशीर असते. रक्तनिर्मितीसाठी लोह महत्त्वाचे ठरते.किवीमध्ये फायबरही मुबलक प्रमाणात असून ते पचनक्रिया सुधारण्यास मदत करतात. वजन नियंत्रणासाठी उपयुक्त ठरतो..यातील विविध अँटिऑक्सिडंट्स शरीरातील पेशींना हानिकारक फ्री रॅडिकल्सपासून संरक्षण करतात. संसर्ग, दाह व आजारांपासून शरीराचे रक्षण करतात.किवीचा आहारात समावेश केल्यास शरीराला ताजेतवानेपणा मिळतो, सर्दी-खोकला कमी होतो, त्वचा निरोगी राहते, हृदयाचे स्वास्थ्य टिकते आणि रोगप्रतिकारशक्ती वाढते. किवी थेट खाल्ले जाऊ शकते किंवा ज्यूस, स्मूदी, फ्रूट सलाड, डेझर्ट्स, योगर्ट बाउल आणि नाश्त्याच्या पदार्थांमध्ये वापरता येते. त्यामुळे किवी फळ केवळ स्वादिष्टच नाही, तर आरोग्यासाठी अत्यंत फायदेशीर आहे.- मोनिका गायकवाड ८१८०८९८४६६(एम.टेक विद्यार्थी, अन्नतंत्र महाविद्यालय वसंतराव नाईक मराठवाडा कृषी विद्यापीठ परभणी).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
