Jalgaon News: खानदेशात अनेक सिंचन प्रकल्प फक्त चर्चेत आहेत. पाडळसे (ता. अमळनेर) येथील निम्न तापी सिंचन प्रकल्पास सुधारित मान्यता मिळाली होती. पण प्रकल्प अपूर्णच आहे. तापी मेगा रिचार्ज प्रकल्पाबाबतही मंजुरी, आदेश व फाइलचा सपाटा सुरू आहे..खानदेशात जलसंपदा पुरेशी नसल्याने गिरणा, पांझरा परिसराचा विकास झालेला नाही. अनेक प्रकल्प पूर्ण झाले, पण कालव्यांचा प्रश्न राहिला आहे. काही प्रकल्प अपूर्णच आहेत. तर अनेक प्रकल्प फक्त चर्चेत आहेत..Micro Irrigation Scheme: सूक्ष्म सिंचन योजनेचा लाभ देण्यासाठी विशेष मोहीम.पाडळसे निम्न तापी प्रकल्प २८ वर्षे रखडला आहे. त्याची किंमत साडेचार हजार कोटींवर पोहोचली आहे. शिवाय पुनर्वसन व अन्य कार्यवाही पूर्ण झालेली नाही. या प्रकल्पाचा सर्वाधिक लाभ अमळनेर, पारोळा, चोपडा, धरणगाव, धुळ्यातील शिरपूर व शिंदखेडा या तालुक्यांना होणार आहे. तापीचे मोठे पाणी वाहून जाते. त्याचा उपयोगही या प्रकल्पामुळे होईल. .महाकाय प्रकल्पाची अपेक्षातापी नदीवर महाकाय जलपुनर्भरण प्रकल्प केंद्राने प्रायोगिक प्रकल्प म्हणून २०१४ मध्ये हाती घेतला. पण त्याचेही काम सुरू झालेले नाही. आठ वर्षांपूर्वी सुमारे साडेसहा हजार कोटी रुपये निधीची गरज होती. आता प्रकल्पाची किंमतही आठ हजार कोटींवर गेली आहे. जळगाव जिल्ह्यातील रावेर, यावल व चोपडा, मध्य प्रदेशातील बऱ्हाणपूर व अन्य भागाला या प्रकल्पाचा लाभ होणार आहे. त्यास मध्यंतरी केंद्राने मंजुरी दिली. पण प्रत्यक्षात निधी व कामाची बोंबाबोंब आहे..Padalse Dam Project : पाडळसे प्रकल्प, बलून बंधाऱ्यांसाठी निधीची तरतूद नाही.गिरणा पट्टाही कोरडाचबलून बंधारे प्रकल्प मागील २५ ते २८ वर्षे चर्चेत आहे. त्यासंबंधी प्रशासकीय स्तरावरील प्रक्रिया मार्गी लागली आहे. निधीची गरज आहे. पाडळसे प्रकल्पासही निधीची गरज आहे. बलून बंधारे प्रकल्पास १५ वर्षांपूर्वी सुमारे ११३० कोटी रुपये निधीची गरज होती. आता या प्रकल्पाची किंमत वाढली आहे..चाळीसगाव, पाचोरा, भडगाव व जळगाव या तालुक्यांत हे सात बलून बंधारे होणार आहेत. सुमारे साडेचार हजार हेक्टर क्षेत्र व किमान १०० गावांना या प्रकल्पांचा लाभ होणार आहे. तत्कालीन केंद्रीय जलसंपदामंत्री उमा भारती यांनी या प्रकल्पाचा समावेश केंद्रीय प्रायोगिक प्रकल्पांत केला होता. केंद्राने त्यास निधी देण्याची तयारी केली होती. पण पुढे कार्यवाही झालेली नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
