Kharif Crops: खानदेशात यंदा कापूस पिकाची स्थिती समाधानकारक आहे. सततच्या पावसामुळे तणांची वाढ झाल्याने तणनियंत्रणाच्या कामांना वेग आला आहे. पूर्वहंगामी कापूस पिकाला पाते व फुले लागण्यास सुरुवात झाली असून, कोरडवाहू क्षेत्रातील कापूस मात्र पावसाच्या प्रतीक्षेत आहे..कोरडवाहू भागातील कापूस सध्या वितभर उंचीचा असून, त्यात आंतरमशागतीची कामे सुरू आहेत. अनेक भागांत मजूर उपलब्ध नसल्याने शेतकरी तणनाशकांचा वापर करून तण नियंत्रण करत आहेत. मागील आठवड्यात खानदेशातील बहुतांश भागात समाधानकारक पाऊस झाला नसला, तरी काळ्या कसदार जमिनीत वाफसा तयार झाल्याने आंतरमशागतीला गती मिळाली आहे..Kharif Sowing: गतवर्षी जादा पाऊस, यंदा कमालीची ओढ.अनेक शेतकऱ्यांकडे बैलजोडी नसल्याने भाडेतत्त्वावर बैलजोडी घेऊन आंतरमशागत केली जात आहे. त्यासाठी प्रतिदिन १,४०० ते १,५०० रुपये दर आकारला जात असून, एका दिवसात सुमारे दीड ते पावणेदोन एकर क्षेत्रात आंतरमशागत केली जाते..Kharif Sowing in Marathwada: कुठे पावसाची, तर कुठे वाफशाची प्रतीक्षा.तणनाशकांचा वाढता वापरसर्वत्र एकाच वेळी तणनियंत्रणाची कामे सुरू असल्याने मजुरांची टंचाई जाणवत आहे. त्यामुळे अनेक शेतकरी तणनाशकांचा वापर करत आहेत. पावसामुळे तणांची वाढ झपाट्याने झाल्याने बाजारात उपलब्ध विविध तणनाशकांचा वापर वाढला आहे. तणनियंत्रणासाठी एकरी सुमारे १,२०० ते १,६०० रुपये खर्च येत असल्याचे शेतकरी सांगत आहेत..फवारण्यांनाही वेगखानदेशात पूर्वहंगामी कापसाची लागवड १५ मेपासून सुरू झाली होती. ५ जूनपर्यंत कृत्रिम सिंचनाची सुविधा असलेल्या शेतकऱ्यांनी मोठ्या प्रमाणावर लागवड पूर्ण केली. अनेक ठिकाणी पीक ५० दिवसांचे, तर काही ठिकाणी दीड महिन्यांचे झाले असून, पिकाला पाते व फुले लागली आहेत. या अवस्थेत रसशोषक किडींचा प्रादुर्भाव वाढू लागल्याने शेतकरी कीडनाशके व संप्रेरकांच्या फवारण्या करत आहेत. .पिकाची उंची सध्या दीड ते दोन फूट झाली आहे. काही शेतकऱ्यांनी सघन पद्धतीने, तर काहींनी ३ × ३.५ फूट किंवा २ × ४ फूट अंतरावर लागवड केली आहे. सखल भागात पाणी साचल्याने काही ठिकाणी कापसाची पाने पिवळी किंवा लालसर झाली होती. मात्र, पाण्याचा निचरा झाल्यानंतर परिस्थिती सुधारत आहे. सध्या पिकाला खत देण्याचे कामही वेगाने सुरू आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
