कर्नाटकात अतिवृष्टीने १२ लाख हेक्टरवरील शेतपिकांचे नुकसान'एनडीआरएफ'च्या निकषांनुसार, शेतकरी प्रति हेक्टर ८,५०० रुपये भरपाई मिळण्यास पात्र राज्य सरकार अतिरिक्त प्रति हेक्टर ८,५०० रुपये भरपाई देणारयामुळ शेतकऱ्यांना प्रति हेक्टर एकूण १७ हजार रुपये मिळतील.Crop Damage Compensation: कर्नाटकातील विजापूर, कलबुर्गी आणि जवळच्या जिल्ह्यांत अतिवृष्टीने १२ लाख हेक्टरवरील शेतपिकांचे नुकसान झाले आहे. त्यासाठी कर्नाटक सरकारने शेतकऱ्यांसाठी प्रति हेक्टर १७ हजार रुपयांची नुकसान भरपाई जाहीर केली आहे. याबाबतची माहिती कृषिमंत्री एन चेलुवरायस्वामी यांनी शुक्रवारी दिली. .'एनडीआरएफ'च्या निकषांनुसार, शेतकरी प्रति हेक्टर ८,५०० रुपये भरपाई मिळण्यास पात्र आहेत. यासह राज्य सरकार अतिरिक्त प्रति हेक्टर ८,५०० रुपये भरपाई देईल. यामुळे शेतकऱ्यांना प्रति हेक्टर एकूण १७ हजार रुपये मिळतील. या नुकसान भरपाईचे वाटप लवकरच सुरू होईल, अशी घोषणा एन चेलुवरायस्वामी यांनी केली. ते धारवाड येथील कृषी विज्ञान विद्यापीठाच्या ३९ व्या स्थापना दिनाच्या उद्घाटन कार्यक्रमात बोलत होते. .Crop Insurance: नव्या पीकविमा योजनेमुळे शेतकऱ्यांना नुकसानीप्रमाणे भरपाई नाही.राज्यातील पीक नुकसानीची माहिती देताना कृषिमंत्री पुढे म्हणाले की, कलबुर्गी विभागातील पूरग्रस्त भागाच्या पाहणीदरम्यान, मुख्यमंत्री सिद्धरामय्या यांनी सुमारे १० लाख हेक्टर जमिनीवरील पिके नष्ट झाल्याचे सांगितले होते. पण विजापूर आणि जवळच्या जिल्ह्यांमध्ये अतिवृष्टीमुळे बाधित क्षेत्र जवळपास १२ लाख हेक्टर असल्याचे दिसून आले आहे..Crop Damage : अचूक नुकसानीसाठी वाढीव पीक कापणी प्रयोग.ऊसतोड मजुरांची कमतरताऊसतोड मजुरांच्या कमतरेबाबत बोलताना त्यांनी सांगितले , ''शेतकऱ्यांना मदत म्हणून सरकार कापणी यंत्रांवर अनुदान दिले जात आहे. ऊस उत्पादक भागात ऊस तोड कामगार मिळत नाहीत. ही मोठी समस्या आहे. यावर उपाय म्हणून, ऊस तोडणी यंत्रासाठी ५० लाख रुपयांपर्यंतचे अनुदान दिले जात आहे.".राज्य सरकारकडून आणखी काही खासगी संस्थांना कृषी विज्ञान अभ्यासक्रमांची महाविद्यालये सुरु करण्यासाठी परवानगी दिली जाईल. बीएससी (Agriculture) अभ्यासक्रमांसाठी दरवर्षी सुमारे एक लाख अर्ज येत आहेत. तर राज्यातील चार कृषी विद्यापीठांमध्ये केवळ ५ हजार जागा उपलब्ध आहेत. कृषी विज्ञान क्षेत्राकडे विद्यार्थ्यांचा ओढा आहे. यात करिअर करू इच्छिणाऱ्या विद्यार्थ्यांचे वाढते प्रमाण लक्षात घेता, सरकारने गेल्या दोन वर्षांत तीन खासगी संस्थांना पदवी आणि पदव्युत्तर अभ्यासक्रम सुरू करण्यासाठी परवानगी दिली असल्याचे ते म्हणाले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
