Infrastructure Development: अनेक वर्षांपासून शेतकऱ्यांच्या वादांमुळे अडथळ्यात अडकलेले शेतपाणंद रस्ते पुन्हा शेतकऱ्यांसाठी खुले झाले आहेत. कारंजा तहसील प्रशासनाने राबविलेल्या विशेष मोहिमेमुळे एका महिन्यात ४४ शेतरस्ते अडथळामुक्त करून खुले करण्यात आले आहेत. .प्रत्यक्ष बांधावर जाऊन तक्रारींचा निपटारा, शेतकऱ्यांमध्ये समन्वय साधणे आणि आवश्यक ठिकाणी कायदेशीर प्रक्रिया राबविणे यामुळे ही मोहीम यशस्वी ठरली..Farm Road Development: मुख्यमंत्री बळीराजा योजनेत १५२ शेतरस्त्यांचे प्रस्ताव.जिल्हाधिकारी योगेश कुंभेजकर यांच्या मार्गदर्शनाखाली आणि उपविभागीय अधिकारी कैलास देवरे यांच्या नेतृत्वात ही मोहीम राबविण्यात आली. या मोहिमेत महसूल विभागाचे अधिकारी-कर्मचारी, ग्रामपंचायती, तंटामुक्ती समित्या, पोलीस पाटील आणि स्थानिक लोकप्रतिनिधी यांनी समन्वयाने काम केले. .Panand Road Records: पाणंद रस्ते, जमीन नोंदी व्यवस्थेला गती देणार: महसूल मंत्री चंद्रशेखर बावनकुळे.अनेक ठिकाणी शेतकऱ्यांशी थेट संवाद साधून वास्तव परिस्थिती स्पष्ट करण्यात आली. त्यामुळे अनेक प्रकरणे संघर्षाशिवाय परस्पर सामंजस्यातून निकाली निघाली. मोहिमेदरम्यान ३४ शेतरस्त्यांवरील अतिक्रमणे व अडथळे दूर करून ते खुले करण्यात आले, तर मामलतदार कोर्ट ॲक्ट १९०६ अंतर्गत १० प्रकरणांचा निपटारा करण्यात आला. याशिवाय आणखी २६ प्रकरणे महिन्याच्या अखेरीस निकाली निघण्याची अपेक्षा आहे..मुख्यमंत्री बळीराजा पाणंद रस्ते योजनेअंतर्गत मंजूर १७ रस्त्यांची मोजणी पूर्ण करून त्यावरील अडथळे दूर करण्यात आले आहेत. त्यामुळे शेतमाल वाहतूक, यंत्रसामग्रीची ने-आण आणि शेतीकामे अधिक सुलभ होणार आहेत. या उपक्रमात स्वखुशीने रस्ते खुले करून देणाऱ्या शेतकऱ्यांचा प्रशासनाकडून सन्मान करण्यात आला. तहसीलदारांसह नायब तहसीलदार विनोद हरणे, तृप्ती खैरनार आणि महसूल कर्मचाऱ्यांनी या मोहिमेत विशेष परिश्रम घेतले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
