Pune News : जुन्नर बाजार समितीच्या निवडणुकीच्या प्रचारात शेतकऱ्यांचा पाच लाखांचा विमा उतरविणार यांसह विविध आश्‍वासने देण्यात आली होती. याची आठवण आणि पूर्तता करण्यासाठी शिवनेरी शेतकरी संघटनेच्या वतीने जुन्नर बाजार समितीच्या संचालकांना घेराव घालण्यात आला. बाजार समिती विमा काढण्यास सक्षम नसेल, तर शेतकरी भीक मागून निधी गोळा करून, संचालकांचा विमा उतरवतील असा इशारा या वेळी शेतकऱ्यांनी दिला.
‘‘बाजार समितीच्या निवडणुकीत शेतकऱ्यांचा ५ लाख रुपयांचा विमा उतरविण्याचे आश्‍वासन संचालक मंडळाने दिले होते. त्याबद्दल शिवनेरी शेतकरी संघटना व शेतकरी जाब विचारण्यासाठी गेलो होतो,’’ असे शेतकरी संघटनेचे नेते डॉ. गणपत डुंबरे याबाबत म्हणाले.
या वेळी संदीप गंभीर, रामभाऊ वाळुंज, सुनील चव्हाण, राजू ढोमसे, अरूण बोडके, रवींद्र शिंगोटे, नारायण कोकाटे यांच्यासह शेतकरी उपस्थित होते. या वेळी उपसभापती प्रकाश ताजणे, भास्करराव घाडगे, महेश शेळके, धनेश संचेती यांच्यासोबत शेतकऱ्यांची चर्चा झाली.
जुन्नर बाजार समितीत व्यापारी कमी येतात. काही अडत्यांनी शेतकऱ्यांचे पैसे थकविले आहेत, अशा तक्रारी संजय खंडागळे, संपत नायकोडी यांनी उपस्थित केला.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.