Jalgaon News: जळगाव जिल्हा परिषदेचा २०२६-२७ या आर्थिक वर्षांसाठी ५० कोटी ९७ लाख रुपये रकमेचे मूळ अंदाजपत्रक बुधवारी (ता. २५) झालेल्या ठराव समितीच्या सभेत सादर करण्यात आले. त्यास ठराव समितीच्या अध्यक्षा तथा जिल्हा परिषदेच्या मुख्य कार्यकारी अधिकारी मीनल करनवाल यांनी मान्यता दिली. यंदाच्या अंदाजपत्रकात दिव्यांग कल्याण रोजगार व पंचायतराज अभियान कार्यक्रमासाठी भरीव तरतूद करण्यात आली आहे, तर यंदा प्रथमच मोकाट कुत्र्यांच्या निवारा केंद्रासाठीही एक कोटी रुपयांची तरतूद करण्यात आली आहे..जिल्हा परिषदेच्या छत्रपती शाहू महाराज सभागृहात सीईओ करनवाल यांच्या अध्यक्षतेखाली ही सभा झाली. या अर्थसंकल्पात २०२५-२०२६ या वर्षाची सुधारीत तरतूद करताना चालू वित्तीय वर्षाची अपेक्षित जमा विचारात घेऊन खर्चाच्या तरतुदी केल्या. लेखाशिर्षनिहाय २०२५-२०२६च्या खर्चासाठी ४६ कोटी ९३ लाख ३२ हजार रुपये रकमेची सुधारीत तरतूद केली आहे, तर २०२६-२०२७ या वर्षासाठी ५० कोटी ९७ लाख ७५ हजार रुपये खर्चाचा अंदाज वजा जाता रक्कम १६ लाख ५१ हजार शिल्लकी अंदाजपत्रकास मंजुरी देण्यात आली..Panchayati Raj: पंचायती : लोकशाहीच्या पाठशाळा.शाळा दुरुस्तीसाठी केवळ ४० लाखअर्थसंकल्पात मागील अनुशेषासह मागासवर्गीयांच्या कल्याणासाठी दोन कोटी ५० लाख, दिव्यांग कल्याणासाठी एक कोटी ५३ लाख, महिला व बाल कल्याणसाठी एक कोटी दोन लाख, पाणीपुरवठा विभाग दुरुस्तीनिधीस पाच कोटी ३० लाख रुपयांचा निधी आहे. जिल्हा परिषदेच्या शाळांच्या दुरुस्तीसाठी शिक्षण विभागाने केवळ ४० लाख रुपये राखून ठेवले आहेत..मोकाट कुत्र्यांसाठीही निधीशहरासह ग्रामीण भागात मोकाट कुत्र्यांचा त्रास मोठ्या प्रमाणात वाढला आहे. त्यामुळे कुत्र्यांच्या हल्ल्याचे प्रमाणदेखील वाढत चालले आहे. त्यामुळे ग्रामीण भागातील भटक्या श्वानांसाठी एबीसी आश्रय निवारा केंद्र उभारले जाणार आहेत. जिल्ह्यातील चार मोठ्या ग्रामपंचायतींत हे केंद्र राहणार आहे..अंदाजपत्रकातील विशेष ठळक बाबीग्रामपंचायत विभाग : मुख्यमंत्री पंचायतराज अभियानांतर्गत कार्यक्रमासाठी दोन कोटी ४० लाख रुपये शिक्षण विभाग : गुणवत्ता विकास कार्यक्रमांतर्गत शिष्यवृत्ती परीक्षेसाठी साहित्य देणे, विज्ञान प्रदर्शन, जि. प. शाळेतील प्रावीण्यप्राप्त मुलींसाठी विशेष शैक्षणिक संस्था अभ्यास भेट खर्चासाठी ६२ लाख व शाळा सक्षमीकरण कार्यक्रमसाठी२० लाख.महिला व बालकल्याण : महिला, मुली, अंगणवाडीसेविका, मदतनीस यांना प्रशिक्षण देणेसाठी २० लाख. अंगणवाडी केंद्रातील विद्यार्थ्यांचे साहित्य खरेदीसाठी ४५ लाख..Panchayati Raj: ग्राम विकासामध्ये ‘फीडर केडर’ आवश्यक.आरोग्य : प्राथमिक आरोग्य केंद्रासाठी श्वानांच्या दंशावरील लशीसाठी २० लाख. जीवनावश्यक औषधी खरेदीसाठी३५ लाख.समाजकल्याण : विभागाच्या योजनेतील लाभार्थ्यांना वस्तू/साधनसामुग्री खरेदीसाठी दोन कोटी ३० लाख..दिव्यांग कल्याण विभाग : दिव्यांगांना प्रशिक्षण व स्वयंरोजगार, जनजागृती, दिव्यांग शाळांत आवश्यक सोयीसुविधांसाठी ४० लाख. दिव्यांगांना स्वयंरोजगार अर्थसहाय्य योजनेसाठी एक कोटी.सामान्य प्रशासन : ई-गर्व्हनन्स (साप्रवि, इतर विभाग व पंचायत समितीसह) व जिल्हा परिषद, पंचायत समितीस्तरावर कार्यालयीन कामकाज व इतर आवश्यक बाबींसाठी दोन कोटी..कृषी : शेतकऱ्यांना ५० टक्के अनुदानावर वीजपंप व स्वयंचलित संरक्षण औजार पुरविण्यासाठी २० लाख. मायक्रो प्रोसिस्सिंग युनिट योजना, स्लरी फिल्टर योजनेसाठी ६० लाख रुपये. केळी निर्यातक्षम पीक उत्पादन प्रात्यक्षिक योजनेसाठी ६० लाख..पशुसंवर्धन : मोकाट कुत्र्यांचे निर्बीजीकरण, जंतूनिर्मुलन व त्याअनुषंगाने इतर सुविधा, जनावरांच्या शस्रक्रियेसाठी आवश्यक औषधे, साधनसामग्री व अवजारांसाठी ५० लाख. पशुधनास मॉन्सूनपूर्व व मॉन्सूननंतर लसीकरण, जनावरांच्या वंध्यत्व निर्मूलन योजना, कृत्रिम रेतन कार्यक्रम, पशुधनास ‘अ’ जीवनसत्त्व, मिनरल मिश्रणे आदींसाठी एक कोटी १० लाख.बांधकाम-लघुसिंचन : ग्रामीण भागातील रस्ते, मोऱ्या बांधणे, पाझर तलाव कोल्हापुरी पद्धतीचे बंधारा दुरुस्ती, साठवण बंधारा दुरुस्ती गावतळे व इतर बाबींसाठी ४ कोटी ७५ लाख रुपये..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
