Jalgaon News: खानदेशात रब्बी हंगामात पिकांची पेरणी पूर्ण होत आली आहे. खतपुरवठा सुरळीत आहे. पण त्याचा साठा व विक्री यासंबंधी वितरक, विक्रेत्यांच्या स्तरावर व्यवस्थित नोंदी घेतल्या जात नसल्याने अडचणी आहेत. त्याची कृत्रिम टंचाई काही भागांत तयार केली जात असल्याच्या तक्रारी आहेत. .१०.२६.२६ नंतर आता युरियाची मागणी आहे. ही कृत्रिम टंचाई असल्याचे शेतकऱ्यांचे म्हणणे असून, सहा युरियाच्या गोण्यांसोबत एक मिश्र खताची गोणी घेण्याचे बंधन काही केंद्रचालक करीत आहेत. दुसरीकडे युरियाचा साठाच नाही, असेही सांगितले जाते..Urea Demand : युरियाची गरज ६० हजार टनांची, मिळाला ४२ हजार टन.कृषी विभागाने युरियाचा साठा व त्यातील दोष, अनियमितता यासंबंधी कृषी केंद्रचालकांना नोटिसा व कारणे याची विचारणा केली. युरियासंबंधी मध्यम शेतकरी नाडले जातात. यासंबंधी कृषी विभाग कटाक्षाने कार्यवाही करीत आहे. यामुळे पुढे टंचाईची समस्या नसणार किंवा जेथे युरिया असेल तेथे कृत्रिम टंचाई राहणार नाही, असाही दावा कृषी विभाग करीत आहे..Urea Supply: राज्यात युरियाचा पुरवठा तातडीने करा: कृषिमंत्र्यांकडून केंद्राला पत्र.खानदेशात रब्बीची पेरणी अपेक्षेपेक्षा अधिक आहे. डीएपी, १०.२६.२६ ही खते अधिक आवश्यक आहेत. युरियाची समस्या सध्या नंदुरबारातील शहादा, तळोदा, धुळ्यातील शिरपूर, जळगावातील काही भागांत आहे. ही टंचाई काही खत विक्रेते तयार करीत असल्याच्याही तक्रारी आहेत..केळी, भाजीपाला व अन्य पिकांची लागवड सुरू आहे. तसेच अनेक केळी बागा वाढीच्या स्थितीत आहेत. यामुळे जिल्ह्यात खतांची मागणी कायम आहे. खरिपातही डीएपी व युरियाची टंचाई होती. आता रब्बीतही नंदुरबार, धुळे भागात तीच समस्या आहे. नॅनो युरियाचा उपयोग केळी, मोठी उंची असलेल्या पिकांत होत नाही. यामुळे अडचण येते..भाजीपाला पिकांसाठी बारमाही खते, विद्राव्य खतांची मागणी असते. केळीसाठी युरिया, पोटॅश व मिश्र खतांची खरेदी शेतकरी करून ठेवतात. एकाच वेळी सर्व खते खरेदीवर शेतकऱ्यांचा भर असतो. तर शेतकरी ज्वारी, बाजरी, मका पेरणी करतानाच रासायनिक खतांची पहिली मात्रा देतात. खत पुरवठा खत कंपन्यांवर अवलंबून आहे. कंपन्या रेल्वेच्या माध्यमातून पुरवठा करतात. मुंबई, गुजरातमधील बंदरांवरून खतांचा पुरवठा होतो. परंतु हा पुरवठा निर्देशित लक्ष्यांकाच्या तुलनेत काही महिने खरिपात कमी झाला होता..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
