Khandesh Banana Farming: केळीच्या कांदेबाग बहर हंगामासाठी शेतांमध्ये सध्या पूर्वमशागतीच्या कामांना वेग आला आहे. शेतकरी जमिनीची सुपीकता आणि आरोग्य चांगले राहावे, यासाठी शेणखताची भर घालत आहेत. काही भागांत मध्यंतरी पाऊस झाल्याने ही कामे काहीशी रखडत सुरू आहेत..वाफसा असल्याने ट्रॅक्टरच्या साहाय्याने नांगरणी, रोटाव्हेटरच्या माध्यमातून मशागत करून शेत भुसभुशीत करण्याची कामे सुरू आहेत. दुसरीकडे शेणखताची वाहतूकही सुरू आहे. मुख्य किंवा डांबरी रस्त्यालगत शेतजमीन असलेले शेतकरी शेणखत शेतात आणून त्याचा साठा करून घेत आहेत. शेत नांगरल्यानंतर शेणखत शेतात पसरविण्याचे नियोजन शेतकऱ्यांनी केले आहे..Tur Cultivation Technology: तूर लागवडीचे सुधारित ‘धारवाड’ तंत्रज्ञान.केळी रोपांची लागवडीसाठी नोंदणी मागील जानेवारी आणि फेब्रुवारी महिन्यात अनेक शेतकऱ्यांनी केली होती. काही कंपन्यांनी आता रोपे देण्याची तयारी केली आहे. केळीची रोपे मुबलक उपलब्ध असली, तरी त्यांना उठाव कमी आहे. अनेक शेतकरी केळी कंदांची मागणी करीत आहेत. कंदांपासून लागवडीचे प्रमाण वाढत असल्याने केळी रोपांचा उठाव कमी झाला आहे..दसऱ्यापूर्वी लागवडशेणखत आता दुरापास्त झाले असून, त्याचे दरही वाढले आहेत. एक ट्रॉली शेणखत २,६०० ते २,८०० रुपयांना (मजुरीसह) मिळत आहे. तेही मागणीनुसार सहज उपलब्ध होत नाही. लांबच्या भागातून किंवा पशुपालनात अग्रेसर असलेल्या गावांतून शेणखत आणावे लागत आहे..Maharashtra Grape Growers Association: नवे वाण, मातीचे आरोग्य, नव्या तंत्राचे महत्त्व झाले अधोरेखित.केळी पट्ट्यात शेणखताला मागणी आहे. खानदेशातील धुळे जिल्ह्यातील शिरपूर, नंदुरबार जिल्ह्यातील तळोदा, शहादा तसेच जळगाव जिल्ह्यातील चोपडा, यावल, जामनेर, रावेर, मुक्ताईनगर, जळगाव, पाचोरा आणि चाळीसगाव या भागांत शेणखताची मागणी आहे.पशुधनाची संख्या कमी असल्याने सध्या शेणखताची टंचाई जाणवत आहे. अनेक शेतकऱ्यांनी दसऱ्यापूर्वी केळी लागवडीचे काम आटोपून घेण्याचे नियोजन केले आहे..शेणखताला उठावजळगाव जिल्ह्यातील पाचोरा, चाळीसगाव, धरणगाव, अमळनेर, पारोळा आणि भडगाव या भागांत शेणखत उपलब्ध आहे. धुळे जिल्ह्यातील साक्री आणि धुळे परिसरातही शेणखत विक्रीस उपलब्ध असून, शेतकरी या भागांतून त्याची खरेदी करीत आहेत. जमिनीची सुपीकता वाढविण्यासाठी धैंचा, ताग आदी हिरवळीच्या खतांचा प्रयोग करण्यात आला आहे..हे पीक जमिनीत गाडण्याचे कामही सुरू आहे. काळ्या कसदार जमिनीचा पोत सुधारण्यासाठी शेतकरी पांढऱ्या, हलक्या जमिनीतील मातीची भर करून घेत आहेत. अनेक शेतकरी मूग, उडीद पिकांखालील रिकाम्या क्षेत्रात केळीची लागवड करणार आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
