International Politics: इराण आणि अमेरिका यांच्यातील रखडलेली शांतता चर्चा पुन्हा सुरू करण्यासाठी इराणने अमेरिकेला एक नवा बहुस्तरीय प्रस्ताव पाठवला आहे. मात्र अमेरिकेचे अध्यक्ष डोनाल्ड ट्रम्प यांनी या प्रस्तावावर असमाधान व्यक्त केले असून, इराणच्या अण्वस्त्र निर्मितीवर कडक निर्बंधांशिवाय कोणताही करार मान्य करणार नसल्याचे संकेत दिले आहेत..अमेरिका आणि इस्राईलने २८ फेब्रुवारी रोजी केलेल्या संयुक्त हल्ल्यानंतर सुरू झालेले युद्ध ८ एप्रिलपासून थांबले आहे. या काळात इस्लामाबादमध्ये शांतता चर्चेची एक फेरी पार पडली. ताज्या प्रस्तावानुसार, इराणने टप्प्या-टप्प्याने तणाव कमी करण्याची भूमिका मांडली आहे. यात तातडीचे संघर्ष व्यवस्थापन अन् अण्वस्त्र कार्यक्रमाबाबतचा दीर्घकालीन वाद हे दोन विषय स्वतंत्र ठेवण्याची मागणी करण्यात आली आहे..Global Diplomacy: अमेरिका आणि इराणला पाकिस्तानचा पुन्हा चर्चेचा प्रस्ताव.या प्रस्तावाचे तीन मुख्य भाग आहेत. पहिल्या भागात तातडीने तणाव कमी करण्यावर भर देण्यात आला आहे. अमेरिकेने आपले लष्करी बळ कमी केल्यास आणि इराणच्या तेल निर्यातीवरील आर्थिक निर्बंध शिथिल केल्यास, इराण होर्मुझच्या सामुद्रधुनीतील निर्बंध कमी करण्यास तयार आहे. जगातील एकूण तेल आणि वायू व्यापारापैकी एक पंचमांश व्यापार या मार्गातून होतो. युद्धामुळे या मार्गावरील वाहतूक विस्कळीत होऊन जागतिक स्तरावर इंधन दरवाढ झाली आहे. .प्रस्तावाच्या दुसऱ्या भागात, सागरी व्यापार आणि तेल पुरवठा पूर्ववत करण्याच्या प्रक्रियेला अण्वस्त्र चर्चेपासून वेगळे ठेवण्याची मागणी इराणने केली आहे. तर तिसऱ्या भागात, अण्वस्त्र कार्यक्रमाबाबत सशर्त लवचिकता दाखवण्याचे संकेत दिले आहेत. युरेनियम संवर्धनावर मर्यादा आणि देखरेख यंत्रणेवर चर्चा करण्याची तयारी इराणने दर्शवली आहे. मात्र, त्यासाठी निर्बंधांमधून ठोस सवलत मिळणे आवश्यक असल्याचे म्हटले आहे. इराणने नागरी वापरासाठी अण्वस्त्र तंत्रज्ञान विकसित करण्याच्या अधिकाराला आंतरराष्ट्रीय मान्यता व भविष्यात लष्करी कारवाई होणार नाही, अशी सुरक्षा हमी मागितली आहे. या प्रक्रियेत पाकिस्तान मध्यस्थाची भूमिका बजावत असून, दोन्ही देशांत सहमती झाल्यास इस्लामाबादमध्ये पुन्हा चर्चा होऊ शकते..Iran Trade Route: इराणचा होर्मुझबाबत दिलासा .तर पुन्हा लष्करी हल्ले : ट्रम्पवॉशिंग्टन : ‘इराणने युद्ध थांबविण्यासाठी पाठविलेल्या नवीन प्रस्तावावर आपण विचार करत आहोत. मात्र इराणने पुन्हा काही गैरवर्तन केल्यास त्यांच्यावर लष्करी हल्ले केले जाऊ शकतात,’ असा इशारा अमेरिकेचे अध्यक्ष डोनाल्ड ट्रम्प यांनी दिला आहे. पाम बीच येथून मियामीला जाताना ट्रम्प यांनी पत्रकारांशी संवाद साधला. इराणने युद्ध संपविण्यासाठी नवीन प्रस्ताव पाठवला असून, त्यावर आपण विचार करत असल्याचे त्यांनी सांगितले..इराणच्या मागण्या अमान्य : ट्रम्पअध्यक्ष ट्रम्प यांनी मात्र इराणच्या या प्रस्तावावर नाराजी व्यक्त केली. ‘इराण अशा गोष्टींची मागणी करत आहे, ज्या मी मान्य करू शकत नाही. आमच्यासमोर दोनच पर्याय आहेत, एकतर त्यांच्यावर मोठा हल्ला करून त्यांना कायमचे संपवणे किंवा कराराचा प्रयत्न करणे. मी युद्धापेक्षा कराराला प्राधान्य देईन,’ असे ट्रम्प यांनी स्पष्ट केले. दरम्यान, इराणचे उपपरराष्ट्र मंत्री काझम घारिबाबादी यांनी चेंडू आता अमेरिकेच्या कोर्टात असल्याचे सांगून, अमेरिका मुत्सद्देगिरीचा मार्ग निवडते की संघर्षाचा, यावर पुढची दिशा ठरेल, असे नमूद केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
