Iran News: पश्चिम आशियातील युद्धस्थिती निवळण्याची कोणतीही चिन्हे अद्याप दिसत नसून इराण आणि इस्राईल-अमेरिकेने सहाव्या दिवशी गुरुवारी (ता. ५) एकमेकांच्या ठिकाणांवर तुफान हल्ले केले. इस्राईलने इराणची राजधानी तेहरानमध्ये आजही क्षेपणास्त्रे आणि ड्रोनच्या माध्यमातून हल्ले केले. त्यामुळे येथील पायाभूत सुविधांचे मोठे नुकसान झाले. तर इराणनेही इस्राईल आणि आखाती देशांमधील अमेरिकेच्या तळांवर हल्ले केले. इस्राईलने लेबनॉनमध्येही हिज्बुल्लाच्या ठिकाणांवर जोरदार मारा केला. युद्धामुळे आंतरराष्ट्रीय बाजारात कच्च्या तेलाच्या किमतीत वाढ झाली आहे. .पश्चिम आशियातील युद्धाचा आजचा सहावा दिवस होता. या सहा दिवसांत या प्रदेशात १४०० हून अधिक जणांचा मृत्यू झाला असून त्यातील १२३० जण इराणमधील आहेत. याशिवाय, सुमारे एक लाख जणांना विस्थापित व्हावे लागले आहे. युद्ध करणाऱ्या दोन्ही बाजू चर्चा करण्याच्या मन:स्थितीत नसल्याने हे युद्ध लांबण्याची शक्यता आहे. इराणने आज पहाटेपासूनच इस्राईलमधील जेरूसलेम आणि तेल अवीव या शहरांच्या दिशेने क्षेपणास्त्रांचा मारा केला..Iran-Israel US War: इराण-इस्रायल अमेरिका युद्धावरून विधानसभेत काय मागणी? .यातील काही क्षेपणास्त्रे जमिनीवर कोसळली, मात्र बहुतांश क्षेपणास्त्रे हवेतच नष्ट केल्याचा दावा इस्राईलच्या संरक्षण मंत्रालयाने केला. याशिवाय, इराणने बाहरीनमधील अमेरिकेच्या नौदल तळावरही हल्ला केला. या हल्ल्यात या तळाचे नुकसान झाले. तसेच इराणने ब्रिटनच्या तेलक्षेत्रावरही ड्रोनद्वारे मारा केला. इस्राईल आणि अमेरिकेनेही इराणमधील तेहरान, बुकान आणि इतर काही शहरांवर मारा केला. इराणमधील ‘रेड क्रिसेंट सोसायटी’ने केलेल्या दाव्यानुसार, इराणमधील १७० शहरांवर आज बाँबफेक झाली..केवळ अमेरिकेला विरोधयुद्धामुळे आखाती देशांमध्ये अद्यापही हजारो विदेशी नागरिक अडकून पडले असून, त्यांच्या सुटकेसाठी संबंधित देश प्रयत्न करत आहेत. इराणने होर्मूझची सामुद्रधुनी बंद ठेवली असल्याने सागरी व्यापाराला मोठा फटका बसत आहे. इराणने मात्र ही सामुद्रधुनी केवळ अमेरिका, इस्राईल, युरोपसाठी बंद केली असल्याचा आज दावा केला. तसेच चिनी झेंडा असलेल्या जहाजांनाही अडथळा नसल्याचे इराणने म्हटले आहे..Iran-Israel War: आयात-निर्यातीवर परिणाम झाल्यास बाजारभाव बदलतील का ?.सिनेटमध्ये ट्रम्प यांना बळइराणविरोधात युद्ध सुरू ठेवण्याच्या अध्यक्ष डोनाल्ड ट्रम्प यांच्या प्रयत्नांवर मर्यादा आणणारा ठराव सिनेटमध्ये बहुमताने फेटाळण्यात आले. यामुळे या संघर्षात ट्रम्प यांना बळ मिळाले असून, पश्चिम आशियातील युद्धात अमेरिकेचा सहभाग अखेरपर्यंत कायम राहण्याचा मार्ग मोकळा झाला आहे..युद्धातील नुकसान१४०५ : एकूण मृत्यू९० हजारांहून अधिक : विस्थापितपाच हजार : क्षेपणास्त्रे डागली२० : युद्धनौकांचे नुकसान.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
