Seedless kinno Orchard : डोणगावमध्ये सीडलेस किन्नो बागेची संशोधन संचालकांकडून पाहणी

Akola News : डोणगाव येथील प्रयोगशील शेतकरी तथा उद्यानपंडित जगदेवराव आखाडे यांनी सीडलेस किन्नो संत्रा वाणाची लागवड केली असून या बागेची परभणी येथील वसंतराव नाईक मराठवाडा कृषी विद्यापीठाचे संशोधन संचालक डॉ. डी. पी. वासकर यांनी भेट देऊन पाहणी केली.

यावेळी बदनापूर येथील मोसंबी संशोधन केंद्राचे डॉ. संजय पाटील, कडधान्य पैदासकार डॉ. दीपक पाटील, प्रगतशील शेतकरी राजेश पळसकर, सेवानिवृत्त तालुका कृषी अधिकारी मधुकरराव काळे, कृषी पर्यवेक्षक विठ्ठल धांडे आदी प्रामुख्याने उपस्थित होते.

श्री. आखाडे हे फलोत्पादन क्षेत्रात सातत्याने नवनवीन प्रयोग करीत असतात. संत्रा, आंबा, कांदा उत्पादनासाठी त्यांची ओळख सर्वदूर पोचलेली आहे. त्यांनी संत्र्याच्या विविध वाणांची लागवड केली.

प्रामुख्याने पंजाब कृषी विद्यापीठाचे संशोधन असलेल्या सीडलेस किन्नो या संत्रा वाणाची लागवड लक्ष्यवेधी ठरत आहे.