Sustainable Agriculture: शाश्वत शेती आणि संपन्न शेतकरी ही संकल्पना प्रत्यक्षात साकारण्यासाठी शेतीला दुग्ध व्यवसायासारख्या सक्षम जोडधंद्याची आवश्यकता आहे. विशेषतः विदर्भ आणि मराठवाड्याच्या शाश्वत विकासासाठी व्यावसायिक देशी गोवंशाचे जतन व संवर्धन ही काळाची गरज असल्याचे प्रतिपादन डॉ. पंजाबराव देशमुख कृषी विद्यापीठाचे कुलगुरू डॉ. शरद गडाख यांनी केले..कृषी, पशुसंवर्धन, दुग्ध व्यवसाय विकास व मत्स्य व्यवसाय विभागाच्या निर्णयानुसार २२ जुलै हा दिवस ‘शुद्ध देशी गोवंश जतन आणि संवर्धन दिन’ म्हणून साजरा करण्यात आला. त्यानिमित्त विद्यापीठाच्या पशुसंवर्धन व दुग्धशास्त्र विभागात देशी गोवंश पूजन, लसीकरण आणि विशेष मार्गदर्शन कार्यक्रम आयोजित करण्यात आला..Indigenous Cattle Conservation: देशी गोवंश संवर्धनाला चालना देण्यासाठी गौ-टेक परिषद .अध्यक्षीय भाषणात डॉ. गडाख यांनी व्यावसायिक गोपालनातून शेतकऱ्यांचे उत्पन्न वाढू शकते, असे सांगत पशुधनाचे शेतीतील महत्त्व अधोरेखित केले. गाय ही केवळ दूध उत्पादनापुरती मर्यादित नसून गोमूत्र, शेणखत, बायोगॅस, सेंद्रिय व नैसर्गिक शेती, ऊर्जा निर्मिती आणि पर्यावरण संरक्षणासाठी तिचे मोठे योगदान असल्याचे त्यांनी नमूद केले. हवामान बदलाच्या पार्श्वभूमीवर गोआधारित तंत्रज्ञानाचे महत्त्व अधिक वाढल्याचेही त्यांनी स्पष्ट केले..शेतीतील कडबा, कुटार, पालापाचोळा, तण व इतर अवशेषांचा उपयोग करून पशुधन अमृततुल्य दूध, सेंद्रिय खत आणि नवीन पशुधन निर्माण करते. योग्य आहार, प्रजनन, निवारा व व्यवस्थापन केल्यास प्रतिदिन किमान दहा लिटर दूध देणाऱ्या जनावरांपासून अधिक आर्थिक लाभ मिळू शकतो, असेही त्यांनी विद्यार्थ्यांना उदाहरणांसह सांगितले..Cattle Conservation: गोवंश संवर्धनाचा भार शेतकरी-गोपालकांवर पडू नये; खासदार मेधा कुलकर्णी यांची अपेक्षा.कार्यक्रमात माजी उपमुख्यमंत्री अजित पवार यांच्या जयंतीनिमित्त त्यांना आदरांजली वाहण्यात आली. या वेळी गोशाळेत साहिवाल देशी गोवंशाचे पूजन, पशुधनाचे लसीकरण आणि विद्यार्थ्यांसाठी विशेष मार्गदर्शन वर्ग आयोजित करण्यात आला. कार्यक्रमाला संशोधन संचालक डॉ. शामसुंदर माने, कृषी अभियांत्रिकी अधिष्ठाता डॉ. सुरेंद्र काळबांडे, उद्यानविद्या अधिष्ठाता डॉ. अरविंद सोनकांबळे, .विभागप्रमुख तथा सहयोगी अधिष्ठाता डॉ. शेषराव चव्हाण, सहयोगी अधिष्ठाता डॉ. संजय भोयर, डॉ. राजेंद्र काटकर, डॉ. जयंत देशमुख, डॉ. नितीन कोष्टी, जनसंपर्क अधिकारी डॉ. किशोर बिडवे यांच्यासह प्रा. डॉ. राजेश्वर शेळके, डॉ. संजीवकुमार नागे, डॉ. संजय शेगोकार, डॉ. राजेश ढगे, रवी पवार, मंगला कोल्हे, संतोष राऊत, प्रदीप बोळे, डॉ. संतोष चोंडके, गिरीश बानोकार तसेच विद्यार्थी मोठ्या संख्येने उपस्थित होते. कार्यक्रमाचे सूत्रसंचालन करीत प्रा. डॉ. राजेश्वर शेळके यांनी आभार मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
