Pune News: देशात २०२५-२६ च्या खरीप हंगामात तांदूळ उत्पादनाने नवीन उच्चांक गाठला आहे. परंतु कडधान्य आणि तेलबिया उत्पादनात घट होण्याचा अंदाज आहे. केंद्रीय कृषी मंत्रालयाने बुधवारी (ता.२६) खरीप २०२५-२६ च्या खरीप हंगामाचा पहिला आगाऊ अंदाज जाहीर केला आहे. या अहवालानुसार खरीप पिकांच्या उत्पादनात विक्रमी वाढ केंद्र सरकारला अपेक्षित आहे. परंतु कडधान्य आणि तेलबिया उत्पादनात मात्र घटीचे अंदाज आहेत..देशात खरीप हंगामात २७.५६ दशलक्ष टन तेलबियांचे उत्पादन अंदाजित आहे. यामध्ये सोयाबीनचे उत्पादन १४.२६ दशलक्ष टन अंदाजित असून गेल्यावर्षी सोयाबीनचे उत्पादन १५.२६ दशलक्ष झाले होते. तर शेंगदाण्याच्या उत्पादनात वाढ होण्याचा अंदाज कृषी मंत्रालयाने व्यक्त केला आहे. .Crop Production : भाजीपाला आणि फळ पिकांच्या उत्पादनात वाढ; केंद्रीय कृषी मंत्रालयाचा दावा.केंद्रीय कृषी मंत्रालयाने बुधवारी दिलेल्या माहितीनुसार, खरीप २०२५-२६ मध्ये देशात एकूण अन्नधान्याचे १७३.३ दशलक्ष टन इतके अंदाजित असून ते गेल्यावर्षीच्या १६९.५ दशलक्ष टनांपेक्षा अधिक आहे. तसेच खरीप हंगामात तांदळाचे १२४.५ दशलक्ष टन उत्पादन अंदाजित आहे. गेल्यावर्षी १२२.८ दशलक्ष टन उत्पादन झाले होते. म्हणजेच गेल्यावर्षीच्या तुलनेत यंदा १.४ टक्क्यांनी उत्पादनात वाढीची अपेक्षा आहे. .याबद्दल केंद्रीय कृषिमंत्री चौहान म्हणाले, "देशात काही भागात अतिवृष्टीमुळे नुकसान झाले असले तरी बहुतेक राज्यात चांगल्या पावसामुळे पिकवाढ उत्कृष्ट झाली आहे." असे सांगितले. देशात पावसाळ्याच्या सुरुवातीला जून ते जुलै या कालावधीत खरीप पिकांची पेरणी केली जाते. तर सप्टेंबर-ऑक्टोबरमध्ये कापणी केली जाते. देशात काही कडधान्य आणि तेलबियांसह भात हे मुख्य खरीप पीक आहे. .Kharif Crop Production: राजस्थानात अतिवृष्टीमुळे खरीप हंगामातील पिकांचे उत्पादन घटण्याची शक्यता.देशात २०२५-२६ च्या खरीप हंगामात २८.३ दशलक्ष टन मक्याचे उत्पादन होण्याचा अंदाज आहे. मागील वर्षी २४.८ दशलक्ष उत्पादनाचा अंदाज होता. तसेच भरडधान्यांचे उत्पादन ४१.४ दशलक्ष टन होण्याचा अंदाज आहे. तर कडधान्यांचे उत्पादन गेल्यावर्षीच्या ७.७ दशलक्ष टनांच्या तुलनेत ७.४ दशलक्ष टन इतके कमी होण्याचा अंदाज आहे. तूर उत्पादन ३.५९ दशलक्ष टन होण्याचा अंदाज असून गेल्यावर्षीच्या ३.६२ दशलक्ष टनांपेक्षा किंचित कमी आहे. तर उडदाचे उत्पादन १.३४ दशलक्ष टनांच्या तुलनेत १.२ दशलक्ष टन कमी होण्याचा अंदाज आहे. .तसेच कापसाचे उत्पादन गेल्यावर्षीच्या २९.७२ दशलक्ष गाठींवरून २९.२१ दशलक्ष होण्याचा अंदाज आहे. तर ऊस उत्पादन ४५४ दशलक्ष टनांवरून ४७५.६ दशलक्ष टनांपर्यंत वाढण्याचा अंदाज कृषी मंत्रालयाने दिला आहे. कृषी मंत्रालय पिक उत्पादनाचे वर्षभरातील चार आगाऊ अंदाज प्रसिद्ध करत असते. पिक कापणी प्रयोगांमधून मिळणाऱ्या प्रत्यक्ष माहितीच्या आधारे हे अंदाज पुढे सुधारले जातात..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
