Basmati Rice Export News: भारत- अमेरिका व्यापार करारावरून (India US Trade Deal) जोरदार टीका होत असतानाच बासमती तांदूळ निर्यातीबाबत एक महत्त्वाची माहिती समोर आली आहे. एका भारतीय निर्यातदाराने अमेरिकेतील एका खरेदीदाराला ५ हजार टन बासमती तांदळाचा पुरवठा करण्यासाठी व्यावसायिक करार केला आहे. हा निर्यातदार भारतीय तांदूळ निर्यातदार महासंघाचा (IREF) सदस्य असल्याचे सांगण्यात आले आहे. .भारत-अमेरिका व्यापार करार अंतिम झाल्यानंतरची ही एक महत्त्वाची घडामोड आहे. या करारानुसार, अमेरिकेने भारतीय वस्तूंवरील रेसिप्रोकल म्हणजेच परस्पर शुल्क २५ टक्क्यांवरून १८ टक्क्यांपर्यंत कमी करण्यास सहमती दर्शवली आहे. ."आयआरईएफच्या एका सदस्याने अमेरिकेतील एका खरेदीदाराला ५ हजार टन बासमती तांदूळ पुरवण्यासाठी यशस्वीपणे व्यावसायिक करार केला आहे," असे निवेदनात म्हटले आहे. निर्यात करताना दर्जा कायम राहावा यासाठी सर्व तांदूळ निर्यातदारांना प्रोत्साहन दिले जात असल्याचे महासंघाने पुढे नमूद केले आहे..Basmati Rice Price: इराणमधील संघर्षाचा बासमती निर्यातीवर परिणाम, दरात घसरण .पारंपारिक बासमती तांदळाची त्याचे लांब दाणे आणि सुगंधासाठी फार पूर्वीपासून ओळख राहिली आहे. विशेषतः इराण हा भारतीय बासमती तांदळाचा दुसऱ्या क्रमांकाचा सर्वात मोठा खरेदीदार देश राहिला आहे. पण इराणमधील संघर्षामुळे निर्यातीत घट झाली आहे. पण आता अमेरिकेतून बासमती तांदळाला मागणी सुरु झाल्याने निर्यातदारांना मोठा दिलासा मिळाला आहे..India US Trade Deal : भारत-अमेरिका व्यापार करारात मका, गहू, तांदूळ, दूध उत्पादकांना दिलासा; वाणिज्यमंत्र्यांनी दिली माहिती.ऑगस्ट २०२५ मध्ये अमेरिकेकडून बासमती तांदळासह भारतीय उत्पादनांवर ५० टक्के आयात शुल्क लादण्यात आले. यामुळे अमेरिकेच्या बाजारपेठेत भारतीय बासमतीचे दर मोठ्या प्रमाणात वाढले. परिणामी, विशेषतः पाकिस्तानसारख्या प्रतिस्पर्ध्यी देशांच्या तुलनेत भारतीय निर्यातदारांची स्पर्धात्मकता कमी झाली आणि अनेक निर्यातीबाबतच्या ऑर्डर्स रद्द झाल्या अथवा त्या कमी करण्यात आल्या. .अमेरिकेने केलेल्या शुल्क कपातीमुळे पुढील काही दिवसात बासमती तांदळाच्या निर्यातीचे आणखी मोठे करार होऊ शकतात. याचा फायदा केवळ निर्यातदारांनाच नव्हे तर शेतकऱ्यांनाही होईल. निर्यातीला चालना मिळाल्याने चांगला भाव मिळू शकतो, असे बाजारातील तज्ज्ञांचे म्हणणे आहे. बासमती तांदूळ हा एक प्रमुख भारतीय निर्यात उत्पादन असून, त्याचा सुगंध आणि गुणवत्तेमुळे त्याला जगभरातून मागणी आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
