Rising Fertilizer Demand: जागतिक पातळीवर भारत युरियाचा सर्वांत मोठा आयातदार आहे. भारतासाठी खरीप हाच मुख्य हंगाम असल्याने खतांचा वापर या हंगामात सर्वाधिक होतो. देशात वर्षाकाठी जवळपास १०० लाख टन युरियाची आयात केली जाते. .खरिपासाठी युरियाचा पुरवठा सुनिश्चित करण्यासाठी इंडियन पोटॅश लिमिटेड, अर्थात आयपीएल या कंपनीने २५ लाख टन युरिया पुरवठ्यासाठी निविदा काढल्या होत्या. त्यास प्रतिसाद देत आंतरराष्ट्रीय पातळीवरील खत पुरवठादार कंपन्यांनी ५६ लाख टन युरिया देण्याची तयारी दाखवली. .Urea Import: भारताची युरिया आयात दुपटीहून अधिक.पण त्यांनी जागतिक बाजारातील तुटवडा आणि भारताची गरज याचा फायदा उठवत भाव दुप्पट केले. या वाढीव भावात भारत खते खरेदी करणार का, याकडे आंतरराष्ट्रीय बाजाराचे लक्ष होते. कारण भारताने वाढीव दर मान्य केला तर आंतरराष्ट्रीय बाजारात दराचा आणखी भडका उडेल, असा जाणकारांचा कयास आहे..Urea Import : 'भारत २०२५ च्या अखेरीस युरिया उत्पादनात स्वयंपूर्ण होईल, आयातही करणार बंद' : मांडविया . आयपीएल कंपनी पश्चिम बंदरांवर प्रति टन ९३५ डाॅलर्स दराने १५ लाख टन तर पूर्व बंदारावर ९५९ डाॅलर्स दराने १० लाख टन युरिया आयात करेल, असे राॅयटर्स वृत्तसंस्थेने म्हटले आहे. आयपीएलने निविदा काढल्यानंतर ५६ लाख टन युरिया पुरवठ्याची तयारी कंपन्यांनी दाखवली होती. पण त्यापैकी खूपच कमी हिस्सा ९३५ डाॅलर्सने मिळणार होता, तर सरासरी भाव १ हजार डाॅलर्स आणि कमाल भाव ११३६ डाॅलर्स होता. त्यापैकी कमी भावात म्हणजे ९३५ डॉलर्सने २५ लाख टन युरिया आयातीचा निर्णय आयपीएलने घेतला आहे. एकाच निविदेच्या माध्यमातून संपूर्ण २५ लाख टन युरिया आयात केला जाणार आहे..दोन महिन्यांत दाम दुप्पटआंतरराष्ट्रीय बाजारातील खतांची टंचाई आणि आयातीवरील अवलंबित्व याचा फटका भारताला बसत आहे. युद्ध सुरू झाल्यापासून युरियाचे भाव जवळपास दुप्पट झाले आहेत. फेब्रुवारी महिन्यात आरसीएफ कंपनीने पश्चिम बंदरांवर ५०८ डाॅलर्सने, तर पूर्व बंदरांवर ५१२ डाॅलर्सने आयात केली होती. पण आता आयपीएल कंपनीला पश्चिम बंदरावर ९३५ डाॅलर्स आणि पूर्व बंदारावर ९५९ डाॅलर्स दराने युरिया पोहोच मिळणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
