US Israel Iran War News Updates: इराणने भारतीय तेल टँकर जहाजांना होर्मुझ सामुद्रधुनीतून जाण्यासाठी परवानगी दिली आहे. परंतु अमेरिका, युरोप आणि इस्रायलशी संबंधित जहाजांना या जलमार्गातून जाण्यास निर्बंध आहेत. परराष्ट्र मंत्री एस जयशंकर आणि इराणचे परराष्ट्र मंत्री अब्बास अराघची यांच्यातील चर्चेनंतर इराणने गुरुवारी (दि. १२ मार्च) भारतीय तेल टँकरना होर्मुझ सामुद्रधुनीतून जाण्याचा मार्ग मोकळा केला. यामुळे भारताला मोठा दिलासा मिळाला. ही सामुद्रधुनी कच्चे तेल आणि नैसर्गिक गॅसच्या वाहतुकीसाठी अत्यंत महत्त्वाची मानली जाते. .सध्या सुरू असलेल्या इस्रायल-इराण युद्धामुळे तेल, गॅस वाहतूक ठप्प झाली. या पार्श्वभूमीवर भारताने इंधन आयातीसाठी सुरक्षित मार्ग निश्चित करण्यासाठी वेगाने पावले उचलली आहेत. अमेरिका, इस्रायल आणि इराण यांच्यातील युद्धामुळे होर्मुझच्या सामुद्रधुनी भागात अस्थिरतेचे वातावरण आहे. परिणामी भारतात व्यावसायिक एलपीजीची टंचाई निर्माण झाली. यामुळे हॉटेल्स बंद ठेवण्याची वेळ व्यवसायिकांवर आली..Iran Israel War: एकमेकांवरील हल्ले सुरूच.अमेरिका-इस्रायलने इराणवर केलेल्या हल्ल्यांनंतर महत्त्वाच्या होर्मुझच्या सामुद्रधुनी जलमार्गातून वाहतूक थांबली होती. पण इराणने गुरुवारी भारतीय ध्वज असलेल्या जहाजांना होर्मुझच्या सामुद्रधुनीतून सुरक्षितपणे जाण्यास परवानगी दिल्याचे वृत्त द इकॉनॉमिक टाईम्सने दिले आहे..भारतीय ध्वज असलेल्या जहाजांना जाण्यासाठी परवानगी दिली असली तरी इराणने इशारा दिला आहे की, होर्मुझच्या सामुद्रधुनीतून जाणाऱ्या जहाजांनी त्यांची परवानगी घ्यावीच लागेल, अन्यथा त्यांच्यावर हल्ला होऊ होऊ शकते. दरम्यान, बुधवारी सामुद्रधुनीतून जाण्याचा प्रयत्न करणाऱ्या दोन जहाजांना लक्ष्य करण्यात आले, ज्यांनी इराणच्या इशाऱ्याकडे दुर्लक्ष केले होते, असे इराणच्या इस्लामिक रिव्होल्युशनरी गार्ड कॉर्प्स (IRGC) च्या नौदलाचे रिअर ॲडमिरल अलिरेझा तांगसिरी यांनी सांगितले. .Onion export India : कांद्याचे १५०, द्राक्षाचे ३०० कंटेनर अडकले; इराण आणि इस्रायल-अमेरिकेतील युद्धामुळे निर्यात ठप्प, शेतकरी व व्यापाऱ्यांना फटका.“होर्मुझ सामुद्रधुनीतून जहाजांना सुरक्षित मार्गाने जाण्याची परवानगी मिळाली होती का? हा प्रश्न एक्सप्रेस रोम आणि मयुरी नारी या जहाजांच्या कर्मचाऱ्यांना विचारला पाहिजे. त्यांनी सुरक्षेबाबतच्या इशाऱ्यांकडे दुर्लक्ष केले आणि सामुद्रधुनीतून जाण्याचा प्रयत्न केला, मात्र त्यांना पकडण्यात आले,” असे तांगसीरी यांनी एक्सवरील पोस्टमध्ये म्हटले आहे. "कोणत्याही जहाजाला येथून जायचे असेल त्यांना इराणकडून परवानगी घ्यावीच लागेल," असेही त्यांनी स्पष्ट केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.