Crop Loan : सांगली जिल्ह्यात खरिपात १६८० कोटींचे पीककर्ज वितरण

Sangali News : सांगली ः जिल्ह्यात खरीप हंगामात १६८० कोटी ४१ लाख म्हणजे ९० टक्के कर्ज वितरण करण्यात आले आहे. गतवर्षी १७०८ कोटी १५ लाखांचे कर्ज वाटप करण्यात आले होते. गतवर्षीच्या तुलनेत यंदाच्या खरीप हंगामात चार टक्क्यांनी कर्ज वितरणात घट झाली आहे. जिल्ह्यात खरीप हंगामातील कर्ज वितरणचा अंतिम अहवाल जिल्हा उपनिबंधक कार्यालयाने तयार केला आहे.

यंदाच्या खरीप हंगामात जिल्हा बॅंक, राष्ट्रीयकृत, व्यापारी, खासगी आणि ग्रामीण बॅंकांना पीक कर्ज वितरणाचे १८६५ कोटी १८ लाखाचे उद्दिष्ट होते. त्यानुसार खरीप हंगामात जिल्हा बॅंक, राष्ट्रीयकृत, व्यापारी, खासगी आणि ग्रामीण बॅंकांनी १ लाख ६३ हजार ८२९ शेतकऱ्यांना १६८० कोटी ४१ लाख म्हणजे ९० टक्के कर्ज वितरण करण्यात आले आहे.

गतवर्षी म्हणजे २०२३-२४ या आर्थिक वर्षात जिल्हा बॅंक, राष्ट्रीयीकृत, व्यापारी, खासगी आणि ग्रामीण बॅंकांना १ लाख ६५ हजार ३६४ शेतकऱ्यांना १८१८ कोटी ६४ लाख कर्ज वितरणाचे उद्दिष्ट दिले होते. १ लाख ६५ हजार ३६४ शेतकऱ्यांना १७०८ कोटी १५ लाख म्हणजे ९३.९२ टक्के कर्ज वितरण केले होते. २०२४-२५ या आर्थिक वर्षात कर्ज वितरण करण्याचे उद्दिष्ट गतवर्षीच्या तुलनेत वाढले होते. वास्तविक पाहता, जिल्हा बॅंकेकडून दर वर्षी खरीप हंगामात कर्ज वितरण करण्यात आघाडीवर असते. गतवर्षीही जिल्हा बॅंक कर्ज वाटप करण्यात आघाडी घेतली.

यावर्षीही जिल्हा बॅंकेकडून शेतकऱ्यांना कर्ज देण्यासाठी आघाडीवर आहे. राष्ट्रीयकृत, व्यापारी, खासगी आणि ग्रामीण बॅंकांही शेतकऱ्यांना खरिपातील पिकांना कर्ज देतात. मात्र, राष्ट्रीय, व्यापारी बॅंका शेतकऱ्यांना कर्ज देण्यास नेहमीच आखडता हात असतो. यंदाही या बॅंकांनी कर्ज वाटप करण्यास नेहमीप्रमाणे मागेच राहिल्या आहेत. गतवर्षी १७०८ कोटी १५ लाख म्हणजे ९३.९२ टक्के कर्ज वितरण केले. तर यंदा १६८० कोटी ४१ लाख म्हणजे ९३.१३ टक्के कर्ज वाटप केले आहे. गतवर्षीच्या तुलनेत यंदाच्या खरिपात ३.८३ टक्क्यांनी कर्ज वितरणात घट झाली आहे.