PM Narendra Modi : मी संविधानाच्या प्रतिष्ठेचा नेहमीच आदर केला : मोदी

New Delhi News : ‘‘जगातील सर्वांत मोठी लोकशाही होण्याच्या या प्रवासाच्या केंद्रस्थानी आपल्या संविधान निर्मात्यांच्या दूरदृष्टीचे योगदान आहे, ज्याच्या सहाय्याने आपण पुढे जात आहोत. ७५ वर्षे पूर्ण झाल्याचा हा आनंदाचा क्षण आहे. मी संविधानाच्या प्रतिष्ठेचा नेहमीच आदर केला आहे, ’’ असे गौरवोद्गार पंतप्रधान नरेंद्र मोदी यांनी शनिवारी (ता. १४) लोकसभेत केले.

संविधानाच्या चर्चेवर नरेंद्र मोदी यांनी प्रत्युत्तर देताना पंतप्रधान मोदी बोलत होते. लोकसभेनंतर सोमवार, मंगळवारी (ता. १६,१७) राज्यसभेत चर्चा होणार आहे. ते पुढे म्हणाले, की भारत आज अतिशय वेगाने प्रगती करत आहे. त्याचवेळी ७५ वर्षांची कामगिरी विलक्षण ठरली आहे. आपल्या सर्वांसाठी, सर्व देशवासीयांसाठी, जगातील लोकशाहीप्रेमी नागरिकांसाठी हा अतिशय अभिमानाचा क्षण आहे. लोकशाहीचा सण मोठ्या अभिमानाने साजरा करण्याची ही संधी आहे.

संविधानाचा ७५ वर्षांचा प्रवास हा अविस्मरणीय प्रवास आहे. जेव्हा देश स्वतंत्र झाला तेव्हा भारताच्या संविधानाने त्या वेळी भारतासाठी व्यक्त केलेल्या सर्व शक्यतांचा पराभव करून आम्हाला येथे आणले आहे. या महान कामगिरीबद्दल मी संविधान निर्मात्यांना तसेच देशातील कोट्यवधी नागरिकांना आदरपूर्वक अभिवादन करतो.

पंतप्रधान मोदी पुढे बोलताना म्हणाले, की संविधानाचे निर्माते याबाबत खूप जागरूक होते. १९५० पासून भारतात लोकशाही येत आहे यावर त्यांचा विश्वास नव्हता. भारताची लोकशाही, भारताचा प्रजासत्ताक भूतकाळ खूप समृद्ध आहे. जगाला प्रेरणादायी ठरले आहे. जगातील अनेक देश स्वतंत्र झाले, संविधान बनले आणि लोकशाहीही अस्तित्वात आली, ही आपल्यासाठी अभिमानाची बाब आहे, परंतु महिलांना अधिकार देण्यासाठी अनेक दशके गेली, परंतु आपल्या राज्यघटनेने महिलांना मतदानाचा अधिकार दिला आहे.

सभागृहातील महिलांचे योगदानही सातत्याने वाढत आहे. आज जीवनाच्या प्रत्येक क्षेत्रात महिलांचे योगदान आणि प्रतिनिधित्व देशाला अभिमानास्पद आहे. अंतराळ तंत्रज्ञानामध्ये त्यांचे योगदान विशेष महत्त्वाचे आहे. भारत लवकरच जगातील तिसरी सर्वात मोठी आर्थिक शक्ती बनण्याच्या दिशेने जोरदार पावले उचलत आहे. देशाचा विकास करणे हे प्रत्येक भारतीयाचे स्वप्न आहे. आपली राज्यघटनाही भारताच्या एकतेचा आधार आहे. बाबासाहेब आंबेडकर यांनी इशारा दिला होता, असे पंतप्रधान म्हणाले.