Ginger Irrigation: आले पिकात कंदांची चांगली वाढ होण्यासाठी योग्य वेळी आंतरमशागत करणे आवश्यक आहे. त्यामध्ये उटाळणी आणि भर देणे ही महत्त्वाची कामे आहेत. मात्र, भर देताना मुळांना आणि कंदांना इजा होणार नाही, याची काळजी घेतल्यास कंदांच्या चांगल्या वाढीस मदत होते..आले पिकात साधारण अडीच ते तीन महिन्यांच्या अवस्थेत उटाळणी करावी. यासाठी लांब दांड्याच्या खुरप्याने माती हलकी करावी. त्यामुळे माती सैल होऊन नवीन तंतुमय मुळे फुटण्यास मदत होते. उटाळणी करताना अवजार जमिनीत जास्त खोल जाणार नाही, याची काळजी घ्यावी..Fertilizer Management: पीक उत्पादन वाढीसाठी खतांच्या पायाभूत मात्रेचे महत्त्व.आले पिकात साधारण चौथ्या ते पाचव्या महिन्यात फुले येण्यास सुरुवात होते. त्यामुळे त्यापूर्वी आंतरमशागतीची कामे पूर्ण करणे फायदेशीर ठरते. उशिरा उटाळणी केल्यास कंदांची वाढ आणि उत्पादनावर परिणाम होण्याची शक्यता असते..कंदांची काळजीभर देताना कंद आणि मुळांना थेट इजा होणार नाही, याकडे लक्ष द्यावे. माती हलकी करताना अवजाराचा वापर काळजीपूर्वक करावा. तसेच शेतात तणांची वाढ होऊ देऊ नये. तणनाशकाचा वापर केला नसेल तर योग्य वेळी खुरपणी करून तणांचे नियंत्रण करावे..Soybean Crop Management: ‘एल निनो’ परिस्थितीत कोरडवाहू सोयाबीन व्यवस्थापन.भर देण्यापूर्वी खत व्यवस्थापनभर देण्यापूर्वी पिकाची वाढ आणि मातीची स्थिती लक्षात घेऊन खतांचा पुढील हप्ता द्यावा. माती परीक्षणाच्या अहवालानुसार खतांची मात्रा निश्चित करणे योग्य ठरते. ठिबक सिंचनातून रासायनिक खते दिल्यास खतांचा कार्यक्षम वापर करता येतो..पाण्याचा निचरा महत्त्वाचाआले पिकासाठी पाण्याचे योग्य व्यवस्थापन आवश्यक आहे. पावसाचे पाणी शेतात साचून राहणार नाही, याची काळजी घ्यावी. जास्त ओलावा राहिल्यास कंद कुजण्याचा धोका वाढू शकतो. त्यामुळे पावसाळ्यात शेतात पाणी साचल्यास त्याचा तातडीने निचरा करावा. तसेच आले पिकात ठिबक किंवा तुषार सिंचनाचा वापर फायद्याचा ठरतो..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
