Garlic Farming Tips: दुष्काळी परिस्थितीत बियाण्याचा प्रत्येक दाणा महत्त्वाचा असतो. अशा वेळी लसूण लागवड करताना बियाण्याचा अपव्यय टाळणे आणि मजुरीचा खर्च कमी करणे गरजेचे आहे. यासाठी अकोला येथील डॉ. पंजाबराव देशमुख कृषी विद्यापीठाने विकसित केलेले ट्रॅक्टरचलित ‘पीडीकेव्ही लसूण टोकण यंत्र’ शेतकऱ्यांसाठी उपयुक्त ठरू शकते. या यंत्रामुळे लसूण पाकळ्यांची योग्य अंतरावर आणि समान खोलीवर लागवड होते. .एका तासात एक एकरावर लागवडपारंपरिक पद्धतीने लसणाच्या पाकळ्या हाताने टोकाव्या लागतात. यासाठी मजूर, वेळ आणि कौशल्याची आवश्यकता असते. एका हेक्टर क्षेत्रावर लागवडीसाठी साधारण ३० ते ४० मजूर-दिवस लागतात. ही अडचण लक्षात घेऊन कृषी विद्यापीठाच्या कृषी शक्ती व अवजारे विभागाने हे यंत्र विकसित केले आहे. हे यंत्र चालविण्यासाठी किमान ३५ एचपी क्षमतेचा ट्रॅक्टर आवश्यक आहे. यंत्राद्वारे एका तासात सुमारे ०.४० हेक्टर क्षेत्रावर लसूण लागवड करता येते..Garlic Cultivation: यंदा रब्बी हंगामात लसणाची लागवड करावी का?.यंत्र काम कसे करते?या यंत्रामध्ये लसूण पाकळ्या ठेवण्यासाठी स्वतंत्र पेटी असते. या पेटीतून पाकळ्या पेरणी यंत्रणेत येतात. तेथील कपाच्या साह्याने एकावेळी एक पाकळी उचलली जाते आणि जमिनीत टोकली जाते. यंत्राला जमिनीवर चालणाऱ्या चाकातून गती मिळते. त्यामुळे पाकळ्यांमधील अंतर समान राहते. यंत्रामागील लोखंडी पास पाकळ्यांवर माती झाकण्याचे काम करते..Garlic Farming: लसूण पिकाच्या विविध जाती.या यंत्राला दहा दात असून त्यातील अंतर गरजेनुसार कमी-जास्त करता येते. यामुळे दहा ओळींत एकाच वेळी लागवड होते. तसेच यंत्राला गादीवाफे तयार करण्याची व्यवस्थाही आहे..दुष्काळात बियाण्याची बचत महत्त्वाचीयंत्राद्वारे लागवड केल्यास हेक्टरी सुमारे ६७६ किलो लसूण बियाणे पुरेसे होते. पारंपरिक पद्धतीच्या तुलनेत २० ते ३० टक्के बियाण्याची बचत होते. दुष्काळात बियाण्याची उपलब्धता आणि खर्च या दोन्ही बाबी महत्त्वाच्या असल्याने ही बचत शेतकऱ्यांसाठी फायदेशीर ठरू शकते. .यंत्रामुळे लागवडीची खोली आणि अंतर समान राहिल्याने उगवण ८९ टक्क्यांपर्यंत मिळाल्याचे संशोधनात आढळले आहे. तसेच मजुरी आणि लागवडीच्या वेळेत बचत होऊन एकूण लागवड खर्चातही घट होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
