Pune News: महाराष्ट्राचे उपमुख्यमंत्री अजित पवार यांचा बुधवारी (ता.२८) विमान अपघातात मृत्यू झाला. बारामती विमानतळावर धावपट्टीजवळच विमान उतरत असताना अपघात झाला. विमान खाली कोसळताच विमानाने वेगात पेट घेतला आणि क्षणार्धात विमानातील सहा जणांचा मृत्यू झाला. हा अपघात सकाळी ८.४४ वाजता झाला..पत्र सूचना कार्यालयाने दिलेल्या माहितीनुसार (पीआयबी), नागरी विमान वाहतूक महासंचालनालयाने (डीजीसीए) बुधवारी एक निवेदनाद्वारे बारामती येथे झालेल्या विमान अपघातापूर्वी घडलेल्या घटनांचा क्रम स्पष्ट केला आहे. या विमानात अजित पवार यांच्यासह कॅप्टन सुमित कपूर, कॅप्टन शांभवी पाठक, अजित पवार यांचे सुरक्षारक्षक विदीप जाधव, फ्लाइट अटेंडंट पिंकी माळी हे कर्मचारी आणि सहकारी प्रवास करत होते. त्यांचाही या अपघातात मृत्यू झाला आहे..Ajit Pawar Last Rites: 'दादा परत या...' अजितदादांच्या अंत्यदर्शनाला लोटला जनसागर .पायलटचा पहिला लँडिंग प्रयत्न अयशस्वी ठरल्यानंतर सकाळी ८.४३ वाजता विमानाला रनवे ११ वर उतरण्याची परवानगी देण्यात आली होती. मात्र लँडिंगची परवानगी मिळाल्यानंतर पायलटकडून कुठलाही प्रतिसाद आला नाही याच्या अवघ्या एका मिनिटानंतर, म्हणजेच सकाळी ८.४४ वाजता, एटीसीला रनवेजवळ आगीच्या ज्वाळा उठताना दिसल्या..‘मे डे’ कॉल नाहीनिवेदनात असेही नमूद करण्यात आले आहे, की संपूर्ण घटनाक्रमात महत्त्वाची बाब म्हणजे अपघातापूर्वी कोणताही ‘मे डे’ कॉल किंवा कोणत्याही प्रकारची आपत्कालीन किंवा संकटाची सूचना एटीसीला देण्यात आली नाही.या अपघाताचा तपास आता नागरी उड्डाण मंत्रालयाच्या एअरक्राफ्ट ॲक्सिडेंट इन्व्हेस्टिगेशन ब्युरोकडे सोपविण्यात आला असल्याची माहिती नागरी विमान वाहतूक महासंचालनालयाकडून देण्यात आली आहे..Ajit Pawar Passes Away: राज्याचे उपमुख्यमंत्री अजित पवारांचे विमान अपघातात निधन .‘क्रू’कडून प्रतिसाद नाही२८ जानेवारी २०२६ रोजी विमान VI-SSK ने सकाळी ८:१८ वाजता प्रथमच बारामती एटीसीशी संपर्क साधला. यानंतर विमानाने बारामतीपासून ३० नॉटिकल मैल अंतरावर असल्याची माहिती दिली. त्यानंतर विमानाला पुणे अप्रोचमधून रिलीज करण्यात आले. या अहवालानुसार वैमानिकांना सांगण्यात आले, की सध्या वारा फार नाही आणि दृश्यमानता साधारण ३००० मीटर आहे. त्यानुसार दृश्य हवामान परिस्थितीत (व्हिज्युअल वेदर कंडिशन्स) लँडिंग करण्याचा सल्ला देण्यात आला. त्यानंतर विमानाने रनवे ११ वर अंतिम अप्रोच घेतल्याची माहिती दिली; मात्र क्रूने रनवे दिसत नसल्याचे सांगितले. त्यामुळे पहिल्या प्रयत्नात त्यांनी ‘गो-अराउंड’ केला..त्यानंतर काही सेकंदांनंतर क्रूने रनवे दिसू लागल्याची माहिती दिली. यानंतर सकाळी ८.४३ वाजता विमानाला रनवे ११ वर उतरण्याची परवानगी देण्यात आली. मात्र क्रूकडून लँडिंग क्लिअरन्सचा कोणताही प्रतिसाद मिळाला नाही. सकाळी ८.४४ वाजता, एटीसीला रनवे ११ च्या थ्रेशहोल्डजवळ आगीच्या ज्वाळा दिसून आल्या. त्यानंतर आपत्कालीन सेवा तत्काळ घटनास्थळी पोहोचल्या.https://www.youtube.com/watch?v=whjwB1wQh-I.कोसळलेल्या विमानाचे अवशेष रनवे ११ च्या थ्रेशहोल्डच्या डाव्या बाजूला आढळून आले. एएनआयने दिलेल्या माहितीनुसार, बारामतीतल्या गोजूबावी गावाजवळचा विमानतळ १९९६ पासून वापरात आहे. एमआयडीसीने बांधलेला हा मोठा सुसज्ज विमानतळ नाही, तर याचा वापर लहान विमानांची वाहतूक आणि पायलट्सच्या ट्रेनिंगसाठी केला जातो..विमान कोणत्या प्रकारचे ?अपघातग्रस्त विमान ‘व्हीएसआर व्हेंचर्स’ या खासगी कंपनीच्या ‘लिअरजेट ४५’ प्रकारचे होते. लियरजेट-४५ हे विमान कॅनेडियन कंपनी बॉम्बार्डियरने तयार केले आहे. जगभरातील अनेक कंपन्या चार्टर फ्लाइटसाठी म्हणजे खासगी प्रवासासाठी ही विमाने वापरतात. हे विमान एकदा पूर्ण इंधन भरले तर साधारण २,२३५ नॉटिकल मैलांपर्यंत, म्हणजे सुमारे साडेतीन ते चार हजार किलोमीटर रेंजमध्ये जलद प्रवास करू शकते. बारामतीत कोसळलेलं विमान नवी दिल्लीस्थित व्हीएसआर एव्हिएशन या खासगी एअरलाइनच्या सेवेत होते. २०१० पासून म्हणजे सोळा वर्षे हे विमान कार्यरत होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
