Hingoli News : जिल्ह्यात ऑगस्टपर्यंत ३ लाख ८ हजार शेतकऱ्यांच्या २ लाख ७१ हजार ५८६ हेक्टरवरील पिकांचे नुकसान झाले असून त्यांच्या मदतीसाठी २३१ कोटी रुपये निधी मंजूर झाला आहे.येत्या आठवडाभरात संबंधित शेतकऱ्यांच्या खात्यावर मदत वितरित करण्याचे निर्देश शालेय शिक्षणमंत्री दादा भुसे यांनी दिले. .मंत्री भुसे यांनी गुरुवारी (ता. २५) हिंगोली जिल्ह्यातील कन्हेरगाव नाका, आंबाळा, माळहिवरा, भिरडा, डोंगरगाव पूल येथे भेट देऊन पाहणी केली. जिल्हा नियोजन समितीच्या सभागृहात जिल्ह्यात झालेल्या अतिवृष्टी नुकसान आढावा बैठकीत ते बोलत होते. यावेळी आमदार डॉ. प्रज्ञा सातव, आमदार तानाजी मुटकुळे, आमदार संतोष बांगर, जिल्हाधिकारी राहुल गुप्ता, मुख्य कार्यकारी अधिकारी अंजली रमेश, पोलिस अधीक्षक श्रीकृष्ण कोकाटे, अपर जिल्हाधिकारी महेंद्रकुमार कांबळे, जिल्हा अधीक्षक कृषी अधिकारी राजेंद्र कदम यांची प्रमुख उपस्थिती होती..Crop Damage Compensation : हिंगोली जिल्ह्यासाठी २३५ कोटी मंजूर.भुसे म्हणाले, की सप्टेंबर महिन्यात झालेल्या नुकसानीचेही पंचनामे करण्याची कार्यवाही अंतिम टप्प्यात असून त्याची मदत मिळविण्याची कार्यवाही प्रशासनामार्फत करण्यात येणार आहे. अतिवृष्टीमध्ये १३ व्यक्तींचा मृत्यू झाला. त्यांच्या वारसांना नियमानुसार सानुग्रह अनुदान देण्याची कार्यवाही सुरु आहे. .Crop Compensation : पक्षपातीपणा करणाऱ्या सहायक कृषी अधिकाऱ्यावर कारवाई करा .अतिवृष्टीमुळे दगावलेल्या २३७ पशुधनाबद्दल पशुपालकांना मदत देण्यासाठी २ कोटी ७३ लाख रुपये निधी लागणार आहे. आतापर्यंत १२० पशुपालकांना ३५ लाख ८८ हजार रुपये अनुदान वितरित करण्यात आले. .उर्वरित निधी लवकरच उपलब्ध करून देण्याची कार्यवाही सुरु आहे. वाहून गेलेल्या व शोध न लागलेल्या जनावरांचीही भरपाई देण्याचा निर्णय शासनाने घेतला आहे. नदीनाल्यांना पूर आल्यामुळे शेतकऱ्यांच्या शेतजमिनी खरडून गेल्या आहेत, सोलर पंप, रस्ते, विद्युत खांब, घरांचे नुकसान झाले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
