Dharashiva News: ऊसतोडणी टोळ्यांच्या मुकादमांकडून होणारी फसवणूक, मजुरांची टंचाई, तोडणीसाठी लागणारा वेळ, अधिक कष्टाचे काम करणाऱ्या मजुरांची कमी होत चाललेली संख्या आदी कारणांमुळे ऊसतोड क्षेत्रातील ट्रेंड वेगाने बदलू लागला आहे. ऊसतोडणी टोळ्यांची जागा आता हार्वेस्टर घेऊ लागले आहे. जिल्ह्यातील उसाच्या फडांमध्ये ऊसतोडणीत हार्वेस्टरचा दबदबा वाढला आहे. .जिल्ह्यात यंदा गाळप हंगाम सुरू केलेल्या १४ साखर कारखान्यांच्या कार्यक्षेत्रातील उसाच्या फडांमध्ये तब्बल १२५ च्या वर हार्वेस्टर ऊस तोडणी करीत आहेत. पुढील काही वर्षांत यात आणखी वाढ होण्याची शक्यता आहे. कारण, ऊसतोड टोळ्यांच्या तुलनेत हार्वेस्टरची तोडणी शेतकरी, तसेच कारखान्यांसाठी फायदेशीर ठरू लागली आहे. शेतकऱ्यांना ऊसतोडणीसाठी टोळी बोलविताना अनेक प्रकारचा त्रास सोसावा लागतो..Sugarcane Harvest: सांगली जिल्ह्यात यंत्राच्या साहाय्याने उस तोडणी सुरू .मुकादम टोळी शेतात पाठविण्यासाठी पैसे घेतात. टोळीतील सदस्यांवरदेखील अतिरिक्त खर्च करावा लागतो. हा अलिखित नियमच होऊन गेला आहे. त्यामुळे शेतातून ऊस कारखान्याला जाईपर्यंत शेतकऱ्यांना मोठी कसरत करावी लागते. याशिवाय मुकादमांकडून उचल घेऊन कारखान्यांची फसवणूक होण्याच्या घटनाही सातत्याने घडतात. या सर्व गोष्टींमुळे कारखाने हार्वेस्टरद्वारे ऊस तोडणीवर भर देऊ लागले आहेत. त्यामुळे कारखान्यांसह शेतकऱ्यांचादेखील वेळ वाचत आहे..Sugarcane Harvesting: उसाचे वजन आणि साखरेचा उतारा टिकवण्यासाठीच्या ४ टिप्स! ऊस तोडणीपूर्वीची काळजी.अधिक कष्टाच्या कामांकडे मजुरांची पाठऊसतोडणी आणि मोळी उचलून ती ट्रॅक्टरमध्ये भरण्यासाठी दणकट मजुरांची गरज असते. सोपी आणि कमी वेळात होणारी इतर कामे उपलब्ध झाल्याने अधिक कष्टाच्या असलेल्या ऊसतोडणीकडे मजूर पाठ फिरवू लागले आहेत. टोळ्या आणि त्यातील मजूर सदस्यांची संख्या कमी होत आहे. टोळी तयार करण्यासाठी मुकादमांसाठी सोपे राहिलेले नाही. यापुढे ऊसतोडणी करणाऱ्या मजुरांची संख्या कमी होत जाण्याची शक्यता आहे. याचाही परिणाम हार्वेस्टर वाढण्यावर झाला आहे..‘नॅचरल शुगर’कडे २६ हार्वेस्टरद्वारे ऊसतोडणी सुरू आहे. ऊसतोडणी टोळ्यांतील मजुरांची संख्या दिवसेंदिवस कमी होत आहे. फसवाफसवीचे प्रमाण खूप वाढले आहे. अधिक कष्टाचे काम करणाऱ्या मजुरांचा तुटवडा जाणवू लागला आहे. त्यामुळे हार्वेस्टरकडे कल वाढला आहे.- दिगंबर साळुंखे, प्रमुख, वाहन विभाग, नॅचरल शुगर, रांजणी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
