Latur News: मदनसुरी मंडळात यंदाच्या रब्बी हंगामासाठी अनुकूल हवामान, समाधानकारक पावसामुळे जमिनीत टिकून राहिलेला ओलावा आणि पडलेली थंडी यामुळे पिकांची वाढ जोमात सुरू आहे. त्यामुळे खरीप हंगामात झालेल्या मोठ्या नुकसानीनंतर शेतकरी वर्गात दिलासादायक वातावरण निर्माण झाले असून, रब्बी पिकांमधून काहीअंशी तोटा भरून निघेल, अशी आशा व्यक्त केली जात आहे..मदनसुरी मंडळात रब्बी हंगामासाठी एकूण १० हजार ८२२ हेक्टर पेरणीयोग्य क्षेत्र असून, यातील बहुतांश क्षेत्रावर पेरणी पूर्ण झाली आहे. यंदा झालेल्या मुबलक पावसामुळे परिसरातील नदी, नाले, ओढे तसेच विहिरी तुडुंब भरून वाहत असून, जमिनीत पुरेसा ओलावा उपलब्ध आहे. याच ओलाव्याचा फायदा सध्या रब्बी पिकांना होत आहे. मात्र, या अतिवृष्टीचा मोठा फटका खरीप हंगामाला बसला होता. तेरणा नदीला आलेल्या पुरामुळे अनेक शेतांतील पिके पाण्याखाली गेली, पिके हातची गेली आणि शेतकऱ्यांना मोठ्या आर्थिक संकटाला सामोरे जावे लागले होते..Rabi Season: जिंतूर तालुक्यात रब्बी पिके जोमात.यंदाच्या रब्बी हंगामात मदनसुरी मंडळात हरभरा या पिकाने आघाडी घेतली आहे. तब्बल ६ हजार ८०० हेक्टर क्षेत्रावर हरभऱ्याची पेरणी करण्यात आली आहे. याशिवाय ज्वारी ४०० हेक्टर, गहू २५० हेक्टर आणि करडई १६० हेक्टर क्षेत्रावर पेरणी झाली आहे. काही ठिकाणी उशिरा पेरणी झालेली पिकेही सध्या समाधानकारक अवस्थेत असल्याचे दिसून येत आहे..Rabi Season: मुबलक जलसाठ्यामुळे रब्बी हंगाम जोमात.सध्या हरभरा व गहू पिके वाढीच्या चांगल्या टप्प्यात असून थंडीचा त्यांच्यावर अनुकूल परिणाम होत आहे. ज्वारी व करडई पिकांनाही चांगला फुटवा येत असून वेळेवर मिळालेला ओलावा आणि थंड हवामानामुळे कीड व रोगांचा प्रादुर्भाव तुलनेने कमी आहे. त्यामुळे यंदा रब्बी हंगामात उत्पादन चांगले निघेल, असा विश्वास शेतकरी व्यक्त करत आहेत..खरिपात अतिवृष्टीमुळे आमची सर्व पिके हातची गेली होती. सावकारी कर्ज काढून शेतीचा खर्च केला होता. आता रब्बी पिके चांगली उभी आहेत. हवामानाने साथ दिली तर तोटा भरून निघेल, अशी आशा आहे.- वैजिनाथ माने, शेतकरी, रामतीर्थ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
