Soil Health Improvement: शाश्वत शेतीसाठी हिरवळीच्या खतांचा वापर अपरिहार्य असून, यामुळे जमिनीचे आरोग्य टिकून राहते आणि उत्पादनात वाढ होते, असे मत विभागीय कृषी संशोधन केंद्राचे प्रमुख शास्त्रज्ञ व सहयोगी संशोधन संचालक डॉ. नितीनकुमार रणशूर यांनी व्यक्त केले..संतुलित खतांच्या वापराबाबत जनजागृती करण्याच्या अभियानांतर्गत तांबोळे (ता. मोहोळ) येथे आयोजित शेतकरी चर्चासत्राचे उद्घाटन डॉ. रणशूर यांच्या हस्ते झाले. ‘शाश्वत शेतीसाठी हिरवळीची खते व पीक अवशेष पुनर्वापर’ हा चर्चासत्राचा विषय होता..Green Manure: सेंद्रिय कर्ब संवर्धनासाठी हिरवळीचे खत.डॉ. रणशूर म्हणाले, माती परीक्षणावर आधारित एकात्मिक खत व्यवस्थापन केल्यास उत्पादन खर्चात बचत होते आणि जमिनीचे दीर्घकालीन आरोग्य जपले जाते. प्रमुख अतिथी तालुका कृषी अधिकारी हर्षद निगडे यांनी खरीप हंगामापूर्वी हिरवळीची पिके घेतल्यास खतांवरील खर्च २५ ते ३० टक्क्यांपर्यंत कमी होऊ शकतो, असे नमूद केले..Green Manure: जमीन सुपीकतेसाठी हिरवळीची खते.वरिष्ठ शास्त्रज्ञ डॉ. आदिनाथ ताकटे यांनी एकात्मिक अन्नद्रव्य व्यवस्थापनात हिरवळीच्या खतांचे महत्त्व स्पष्ट केले. कृषी हवामान शास्त्रज्ञ डॉ. शशिशेखर खडतरे यांनी हिरवळीच्या पिकांची लागवड तंत्रज्ञान व ऊस पिकासाठी त्याचे फायदे सांगितले. डॉ. सुहास उपाध्ये यांनी जमिनीची धूप रोखण्यासाठी हिरवळीच्या पिकांचे योगदान अधोरेखित केले. चर्चासत्रास तांबोळे परिसरातील सुमारे ५० शेतकरी उपस्थित होते. प्रगतशील शेतकरी बाबासाहेब चव्हाण यांनी हिरवळीच्या पिकांचे बियाणे उपलब्ध झाल्यास त्याचा व्यापक अवलंब होईल, अशी अपेक्षा व्यक्त केली. प्रास्ताविक डॉ. आदिनाथ ताकटे यांनी केले, तर आभार मंडल कृषी अधिकारी सुहास कौलगे यांनी मानले..हिरवळीच्या खतांचे फायदेजमिनीत सेंद्रीय कर्ब वाढतोसूक्ष्मजिवांची वाढ होऊन अन्नद्रव्य उपलब्धता सुधारतेनत्र व स्फुरद उपलब्धता वाढतेजमिनीची धूप कमी होतेमाती भुसभुशीत व सुपीक होते.शेतकऱ्यांसाठी मार्गदर्शनताग, धैंचा, मूग, उडीद, चवळी यांसारखी पिके घ्यावीतमाती परीक्षणावर आधारित खत व्यवस्थापन करावेपीक अवशेषांचा पुनर्वापर करावाएकात्मिक अन्नद्रव्य व्यवस्थापनाचा अवलंब करावा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
