Pune News: लाडकी बहीण योजनेचा लाभ केवळ पात्र महिलांनाच मिळावा आणि बोगस लाभार्थी वगळता येतील, यासाठी महिला व बालविकास विभागाने ई-केवायसी बंधनकारक केली आहे. सुरुवातीला ई-केवायसी करण्याची मुदत १८ डिसेंबरपर्यंत देण्यात आली होती. मात्र, अपेक्षित प्रमाणात ई-केवायसी न झाल्याने ही मुदत ३१ डिसेंबरपर्यंत वाढवण्यात आली आहे. तरीही अनेक महिलांना ई-केवायसी करताना अडचणी येत असल्याने प्रक्रिया प्रलंबित आहे. यासाठी सरकारने अंगणवाडी सेविकांनी अशा महिलांच्या घरी जाऊन आवश्यक कागदपत्रे गोळा करून ई-केवायसी पूर्ण करण्याची जबाबदारी सोपवली आहे..विशेषत: ग्रामीण भागातील महिलांना ई-केवायसी करताना मोठा त्रास सहन करावा लागत आहे. यात मोबाईल क्रमांक आधारशी लिंक नसणे, ओटीपी न येणे अशा विविध तांत्रिक अडचणींमुळे अनेक महिलांना या योजनेतून वगळले जाण्याची भीती आहे. ही बाब लक्षात घेता सरकारकडून संगणकीय प्रणालीत सुधारणा करून अंगणवाडी सेविकांमार्फत ई-केवायसी प्रक्रिया राबवली जाणार आहे..Ladki Bahin Yojana: लाडक्या बहिणींनो, ई-केवायसी करताना चूक झाली तर...; सरकारनं दुरुस्तीसाठी दिली शेवटची तारीख .२.५ कोटी महिलांना दरमहा मिळतात १५०० रुपयेदरम्यान, राज्यात लाडकी बहीण योजनेअंतर्गत सध्या सुमारे २.५ कोटी महिलांना दरमहा १५०० रुपये शासनाकडून थेट खात्यात जमा होतात. मात्र योजनेच्या लाभासाठी ई-केवायसी बंधनकारक आहे. त्यामुळे ३१ डिसेंबरपर्यंत ई-केवायसी न केल्यास संबंधित महिलांना योजनेतून वगळले जाईल..Ladki Bahin Yojana: लाडकी बहीण योजनेचे १६५ कोटी लुटले, पुरुष आणि शासकीय कर्मचाऱ्यांचाही समावेश; मंत्री तटकरे.पती-वडील नसलेल्या महिलांसाठी विशेष तरतूदतसेच, ज्या महिलांचे पती आणि वडील दोघेही हयात नाहीत, अशा महिलांसाठी संकेतस्थळात विशेष बदल करण्यात आले आहेत. संबंधित महिलांनी मृत्यू प्रमाणपत्रे अंगणवाडी सेविकांकडे सादर केल्यानंतर त्यांची ई-केवायसी तातडीने पूर्ण केली जाणार आहे..ई-केवायसीतील चुका दुरुस्त करण्याची शेवटची संधीत्याचबरोबर, ई-केवायसी प्रक्रियेत चूक झालेल्या महिलांना पुन्हा प्रक्रिया करून ती दुरुस्त करण्याची संधी देण्यात आली आहे. मात्र ही शेवटची संधी असून, ३१ डिसेंबरनंतर कोणतीही दुरुस्ती करता येणार नाही. त्यामुळे संबंधित महिलांना योजनेतून वगळले जाईल, असे महिला व बालविकास मंत्री आदिती तटकरे यांनी स्पष्ट केले आहे. त्यामुळे लाभार्थी महिलांना ३१ डिसेंबरपूर्वी ई-केवायसी पूर्ण करून घ्यावी, असेही त्यांनी आवाहन केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
