Jalgaon News: येथील सातोद रस्त्यावरील शासकीय गाेदामात केंद्र शासनाच्या किमान आधारभूत किंमत खरेदी योजनेअंतर्गत शासकीय भरड धान्य खरेदीचा शुभारंभ सोमवारी (ता.१२) करण्यात आला. या केंद्रावर शेतकऱ्यांनी नोंदणी केलेल्या क्रमानुसार ज्वारी व मका खरेदी फेब्रुबारी अखेरपर्यंत केली जाणार आहे..याप्रसंगी आमदार अमोल हरिभाऊ जावळे यांच्या सूचनेवरून केंद्रावर प्रथम आलेले तालुक्यातील दहिगाव येथील शेतकरी भास्कर नागो फेगडे यांच्या हस्ते काटा पूजन व धान्य पूजन करण्यात आले. हे केंद्र कोरपावली विविध कार्यकारी सोसायटीचे चेअरमन राकेश फेगडे व सर्व संचालक मंडळ यांच्या मार्गदर्शनाखाली सुरू झाले आहे. .Grain Procurement : किमान आधारभूत दराने धान्य खरेदीस ३१ डिसेंबरपर्यंत मुदतवाढ.यावेळी तहसीलदार मोहनमाला नाझीरकर, पुरवठा अधिकारी अभिमन्यू चऱ्हाटे, गोदाम अधीक्षक वाय. डी. पाटील, सुकलाल कोळी, यावल कृषी उत्पन्न बाजार समितीचे सभापती उज्जेनसिंग राजपूत, कृषिभूषण नारायण चौधरी, बाजार समितीचे संचालक हर्षल पाटील, सागर महाजन, शेतकी संघाचे संचालक तेजस पाटील, कोरपावली सोसायटीचे सचिव मुकुंदा तायडे यांच्यासह तालुक्यातील पदाधिकारी व शेतकरी उपस्थित होते..Grain Procurement : शेतकरी उत्पादक कंपन्यांचे धान्य खरेदी केंद्र सुरु.या शासकीय किमान आधारभूत किंमत योजनेअंतर्गत शेतकऱ्याच्या ज्वारीला प्रतिक्विंटल ३ हजार ६९९ रुपयांचा दर निश्चित करण्यात आलेला आहे. मक्याला प्रति क्विंटल २ हजार ४०० रुपयांचा दर निश्चित आहे. ही रक्कम शेतकऱ्यांचे धान्य खरेदी झाल्यानंतर त्यांच्या बँक खात्यात जमा होणार आहे..आतापर्यंत ५८६ शेतकऱ्यांची नोंदणीया केंद्र सरकारच्या किमान आधारभूत किमतीत खरेदी केल्या जाणाऱ्या भरड धान्यात तालुक्यातील १९४ शेतकऱ्यांनी मका नोंदणी केली आहे; तर ३९२ शेतकऱ्यांनी ज्वारीची नोंदणी येथे केली. तेव्हा ज्या क्रमाने नोंदणी झालेली आहे, त्या-त्या क्रमानुसार शेतकऱ्यांना आपापले धान्य घेऊन येथे खरेदीसाठी बाेलविण्यात येईल..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
