Buffalo Cow Milk Price Difference: कोल्हापूर जिल्हा सहकारी दूध उत्पादक संघाने (गोकुळ) आर्थिक वर्ष २०२५-२६ मधील म्हैस व गाय दुधाच्या अंतिम दूध दर फरकापोटी ११७ कोटी ४२ लाख रुपये प्राथमिक दूध संस्थांच्या बँक खात्यांवर जमा केले आहेत. १ एप्रिल २०२५ ते ३१ मार्च २०२६ या कालावधीत गोकुळला पुरवठा केलेल्या म्हैस दुधास सरासरी प्रतिलिटर २ रुपये २५ पैसे (३.८१ टक्के) व गाय दुधास सरासरी प्रतिलिटर १ रुपये २५ पैसे (३.५१ टक्के) अंतिम दूध दर फरक देण्यात आला आहे. ही रक्कम आता संस्थांनी दूध उत्पादकांना देणे सुरु केले आहे..तर दूध संस्थांसाठी प्रतिलिटर सरासरी २० पैसे याप्रमाणे प्राथमिक दूध संस्थांच्या नावावर डिबेंचर्स खाती म्हणून जमा करण्यात आले आहेत. दूध उत्पादक शेतकरी हाच गोकुळचा केंद्रबिंदू आहे. त्यांच्या आर्थिक प्रगतीसाठी संघ कटिबद्ध आहे, असे संघाचे कार्यकारी संचालक डॉ. योगेश गोडबोले यांनी म्हटले आहे..Gokul Chairman Election: गोकुळ सभा कोरमअभावी तहकूब, 'समविचारी आघाडी'कडून समांतर सभा अन् एकतर्फी अध्यक्ष निवड, नेमकं काय घडलं? .गोकुळ संघाकडून प्रतिवर्षी दिवाळी सणादरम्यान अंतिम दूध दर फरक वाटप केले जाते. यावर्षी म्हैस दुधासाठी ६३ कोटी १२ लाख ११ हजार रुपये, तर गाय दुधासाठी ३९ कोटी १३ लाख ९६ हजार रुपये इतका दूध दर फरक आहे. या दर फरकावर ६ टक्के प्रमाणे होणारे व्याज ३ कोटी ४२ लाख ४० हजार रुपये व डिबेंचर व्याज ६.५० टक्के प्रमाणे ११ कोटी ७३ लाख ५९ हजार रुपये अशी एकूण ११७ कोटी ४२ लाख ६ हजार रुपये रक्कम दूध संस्थांच्या खात्यावर बँकेत जमा केली आहे. .Gokul Milk Price: दूध उत्पादकांना मोठा दिलासा, ‘गोकुळ’कडून म्हैस, गाय दूध खरेदी दरात वाढ, ११ ऑगस्टपासून सुधारित दर मिळणार .तसेच लाभांश (डिव्हीडंड) ११ टक्के याप्रमाणे वार्षिक सर्वसाधारण सभेच्या मंजुरीनंतर अदा केला जाईल, असे 'गोकुळ'कडून सांगण्यात आले आहे. यंदाच्या दूध दर फरकाचा लाभ कोल्हापूर जिल्ह्यातील तसेच सीमाभागातील गोकुळशी संलग्न असलेल्या ८ हजार दूध संस्थांमधील सुमारे ५ लाख दूध उत्पादकांना मिळणार आहे. .त्याचबरोबर गोकुळकडून पशुवैद्यकीय उपचार, कृत्रिम रेतन, वैरण विकास, मायक्रोट्रेनिंग, दूध संस्था इमारत बांधकाम अनुदान, मिल्को टेस्टर खरेदी, संगणक खरेदी, शैक्षणिक सहल, दूध उत्पादकांना किसान विमा पॉलिसी, भविष्य कल्याण निधी, जातिवंत म्हैस खरेदी व वासरू संगोपनावर अनुदान आदी सुविधा पुरवल्या जात आहेत. .गोकुळ संघाने यंदा प्रतिदिनी २० लाख लिटरचा दूध संकलनाचा टप्पा पार केला. सणासुदीच्या काळात २५ लाख ४५ हजार लिटरची दूध विक्री झाली. सन २०२५-२६ या वर्षात दूध पुरवठा करणाऱ्या म्हैस दूध उत्पादकांना ६१ रुपये ९८ पैसे, तर गाय दूध उत्पादकास ३७ रुपये ५३ पैसे इतका दूध दर अंतिम दर फरकासह देण्यात आला. .गोकुळची २०२५-२६ मधील वार्षिक उलाढाल ४,१८५ कोटी रुपयांवर पोहोचली. दूध संकलनाचा २५ लाखांचा टप्पा पूर्ण करण्यासाठी तसेच म्हैस दूध संकलन वाढीसाठी भविष्यात दूध संस्था व उत्पादकांचे सहकार्य मोलाचे असल्याचे गोडबोले यांनी म्हटले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
